反對派4名立法會議員DQ，激進反對派趁機「無成本玩嘢」。在立法會選舉中落選的前議員「狗主」（黃毓民），就聲稱「泛民」應為此事「總辭」。「熱血公民」主席蟲泰（鄭松泰）也加把口，話反對派「總辭」有「三大理據」喎。有網民揶揄，其他反對派議員為了繼續「尊貴」，還有十萬元的薪酬又點會辭職？有網民就恥笑蟲泰講得咁口響，點解唔以身作則「先辭為敬」？
在法院宣佈DQ 4名反對派中人後，狗主即刻在其fb發帖，「泛民必須立即總辭。」演員杜汶澤就加把口揶揄：「如果會 ，就唔叫『泛民』啦！」不少網民也附和，指反對派各大黨，包括民主黨及公民黨事不關己，當然不會放棄議席，更加捨不得議員人工；工黨及民協等甚至心裡暗喜，因為有更多議席可以讓他們在補選時爭也。
一直同狗主唔妥嘅蟲泰也發帖，稱「法庭宣判四位議員全部DQ。總辭吧，這個議會沒有存在的意義。」
他在另一帖中更稱「總辭」有三大理據，一是DQ為政府「赤裸裸地踐踏民意。所以，總辭是捍衛港人僅存的尊嚴之舉」；二是反對派「關鍵否決權」經已喪失，「總辭是把監察權還予人民」；三是要「剎停議會運作，破壞修改議事規則的條件」云云。
不少網民留言恥笑蟲泰得把口。「Anson Wong」說：「貢（咁）你重（仲）留係（喺）到（度）做乜？」「Roy Tsang」也稱：「點解鄭生口口聲聲要推動但係自己又唔帶頭推動哩（呢）個總辭呢？」工黨副主席郭永健也留言質疑：「點解可以剎停議會？夠35人咪照開會囉！」
葉建源助理寸狗主「傻的嗎？」
據稱為教協議員葉建源助理的林兆彬也在自己fb發帖反駁：「究竟『總辭』可以捍衛到什麼尊嚴呢？......毓民冇咗個議席之後，反而即刻冇晒尊嚴、被熱狗批鬥......『總辭是把監察權還予人民』？！如果係真嘅話，咁唔洗（使）選做議員喇......咁你立即辭職啦！把監察權還給新西人！你一個人做都可以有效果......『總辭剎停議會運作』!?傻的嗎？建制派40人，夠法定人數繼續開會日日通過惡法......」
睇嚟，有關嘅爭拗相信有排搞，大家都可以買定花生等睇戲了。
■香港文匯報記者 羅旦