■網民惡搞《老夫子》，將主角改做傻根呢個「老瘋子」。 網上圖片一聽見有補選、加上又有好事者叫主流反對派「總辭」，上年選唔到嘅「城邦派國師」傻根（陳云根），望到入議會逗糧嘅曙光，即刻醒神晒，連日出「鞭屍post」對「瀆誓四丑」同主流反對派踩多幾腳，甚至對面臨被取消資格（DQ）嘅所謂自己人、「熱狗」主席蟲泰（鄭松泰）亦都唔客氣，話佢唔應該同選舉期間狙擊「熱普城」嘅「自決派」朱凱廸一齊扑咪。不過，玩開清算嘅吽A就俾網民質疑佢係咪連蟲泰都想清算埋，又有人改歌寸佢如果再選「狂輸都無時定」。
不滿蟲泰與政敵同台
話說蟲泰同朱凱廸同樣俾市民入稟挑戰議員資格，兩個人一齊扑咪交代事件，點知傻根噚日凌晨就喺facebook分享佢兩個扑咪嘅截圖，仲講咗句：「站錯了。即使命運一樣，仇敵是不會站在一起的。」傻根私怨行頭，歸根究底都係去返上年選舉，有人影到朱凱廸助選團拉票嗰陣，係咁嗌「一票不投『熱普城』」啫。
有網民問係咪兩個人咁啱一齊出嚟就俾記者捉住問嘢，傻根就話蟲泰要即刻彈開，「朱凱廸對於『熱普城』的敵對，超過『土共』。梁頌恆、游小姐（游蕙禎）、朱凱廸是政敵，他們被DQ，我額手稱慶。」不過，喺呇P「狗主」黃毓民嘅爭拗當中，蟲泰企喺�嗰邊，仲講到聲淚俱下，𠵱家佢咁話蟲泰，莫非係黐得「熱狗」過氣「首領」黃洋達太多，當人哋只係一個幫過佢嘅「契弟」？
傻根噚日又將矛頭指向「四丑」之一嘅姚松炎，話自己明明之前提出過樓契過唔過到2047年嘅問題，但反對派就話係假議題，喺建築、測量、規劃及園境界「自動當選」嘅姚松炎冇出聲，「到我敗選之後，姚松炎重新高調地提出2047的議程。」佢仲越講越扯火，索性鬧埋成個主流反對派，話佢哋為咗打倒自己，放棄良知同專業道德。
批姚松炎犯低級錯誤
傻根咁多動作，黐開狗主嘅「無敵神駒」仇思達自然唔會放過抽水機會。佢話蟲泰之前仲為傻根同「熱狗」嘅清算行動保駕護航，甚至清到去狗主頭上都唔懸崖勒馬，仲變本加厲，𠵱家議員資格朝不保夕，傻根就即刻清算佢，「『熱狗』出賣毓民，轉投陳云根，看來很快自食惡果。」神駒仲捉到傻根犯咗基本錯誤，講錯咗姚松炎喺「建測規園」界自動當選，「好心你查吓先×噏啦懵×！」
而佢嘅一班「益友」亦都非常勤力，早前同神駒一齊改咗「歌神」許冠傑首《鬼馬雙星》做《吸血雙星》，寸盡黃洋達同佢老婆陳秀慧吸「熱狗」課金，其中一句窒傻根窒到啜核至極：「云根如選過，狂輸都無時定。」前日仲有人唱埋放上fb𠻹。 ■香港文匯報記者 陳庭佳