公民黨立法會議員譚文豪嘅比較偏頗就係人都見，點樣比先公平啲呢？政府新聞網facebook噚日就貼出一張圖，但就喺香港直接出發，比較由西九搭高鐵同喺紅磡搭直通車到廣州的公園前站邊個快啲。結果顯示，前者只須77分鐘，比後者134分鐘快差唔多成個鐘，可謂一張圖KO譚文豪一段片。有網民就直接喺個post度tag埋譚文豪，叫佢睇清楚啲。
對於有人話運輸及房屋局局長陳帆話「西鐵都爆煲」係「不實資訊」，政府新聞網同時製圖澄清，指出雖然西鐵喺非繁忙時段未飽和，但喺繁忙時段，港鐵事實上係將西鐵線嘅列車，逐步由七卡增加到八卡，去紓緩擠迫問題，咁你話唔爆煲又使唔使咁做呢？ ■香港文匯報記者 甘瑜