■出局的胡美貽事後接受訪問時強顏歡笑。香港文匯報訊（記者 梁靜儀）《2017香港小姐競選》將於九月三日假將軍澳電視城舉行，昨日大會再進行淘汰，最終胡美貽（Nicole）被淘汰出局，十強佳麗亦同時誕生。事後Nicole被問到是否感到失望，她表示都有心理準備會出局。
十一位佳麗先逐一出場作自我介紹，再接受主持陸浩明提問，之後四位港姐評審委員，包括大會統籌經理余詠珊、助理總經理(藝員管理及發展) 樂易玲、非戲劇類暨節目總監陳旭亮、形象監督陳惠英退席商議後，最終決定胡美貽被淘汰出局，當宣佈淘汰出局時，她表現得神情呆滯。
Nicole未決定留娛圈發展
事後評審委員之一的余詠珊透露有兩位佳麗分數好接近，差不多是同分，所以臨尾都再叫佳麗企出來，想再睇清楚她們的狀態，但結果都沒有改變，而評委的意見亦一致。她又指Nicole是輸在不在狀態，不過樂小姐都說唔緊要，Nicole最後都入行，慢慢進步也不遲，她在選美環節退下火線，不等於她之後沒有其他發展。
Nicole被淘汰後接受訪問，問到是否感到失望？她表現平靜地說：「其實都有心理準備，始終有11分之1機會出局，（事前都覺得出局機會大？）咁又唔係，個個女仔都有優勢，好難揀，(覺得輸咩？）其實都好想知自己差咩。(輸在狀態？ ) 可能係啦，其實都係好，可以鬆一口氣，放鬆吓自己，畀自己休息吓，(好大壓力？ ) 我覺得我係太認真，(認真便輸了? ) 係呀，(諗住自己拿冠軍？) 當然沒有啦，平常心，(之前諗住得到咩獎？ )入到final已好滿足。」至於會否留娛樂圈發展，她表示未清楚。說到一班女仔沒上次淘汰時激動，她指因大家都有心理準備。
Grace王浩信齊揀Kelly
會上十強佳麗進行號碼抽籤，又安排陳百祥、苗僑偉（三哥）、王浩信、草蜢及陳凱琳（Grace）擔任大會評判並以「美麗大學」教師身份，以一對一形式向佳麗分享各自專長。叻哥表示第一次做導師教人，又笑言他揀的佳麗會做他的女友，但只是戲入面，最後他揀了自己的幸運號碼5號佳麗雷莊兒：「好多人都唔知，我對上有四個家姐，我排第五。」而另一位導師苗僑偉就表示會教佳麗人際關係：「做娛樂圈最緊要唔好得罪人，尤其唔好得罪阿叻！」至於草蜢就會教音樂、舞蹈及形象，蔡一傑揀了1號何依婷、蔡一智則揀了4號黃瑋琦，而蘇志威就揀了2號李清心。而教演戲的王浩信及教語言的陳凱琳，就不約而同揀中大熱門8號伍樂怡(Kelly)，最終Kelly揀了師姐Grace傳授心得，令王浩信慘食檸檬，退而其次揀了高妹7號黃凱琪(Suki )。
苗僑偉揀了全場最年輕佳麗，十七歲的邱晴，他笑說：「1號何依婷、5號雷莊兒及8號伍樂怡都係大熱，揀6號邱晴雖然係難度高少少，但都幾可愛，初時大家睇相都以為佢係被淘汰那個，但出來幾有台型，有進步空間，雖然有baby fat，但觀眾鍾意。」三哥又笑言不選熱門自己也沒那麼大壓力，問到覺得邱晴有什麼地方要執一執？他認為沒需要執：「好企理，如果要執就要去韓國，如果個樣係純天然，自己會變。」