■左起：鄧兆尊、阮兆祥、蝦頭和細細粒上內地搞笑節目。香港文匯報訊 阮兆祥以隊長身份、率領細細粒（陳嘉佳）、蝦頭（楊詩敏）及鄧兆尊，齊齊上內地搞笑節目《喜劇之王》與內地搞笑隊伍進行PK賽。上一集，祥仔憑藉驚人「鼻哥窿吹牧童笛」絕技技驚四座，成功為團隊爭取該回合第一名。來到今集，祥仔團隊上演「偷情記」搶分，而是次焦點表面是落在蝦頭以及兆尊身上。二人七情上面、施展渾身解數演繹「偷情四式」-呻吟、蒙眼SM、海棠春睡以及跳艷舞，鹽花搞笑兼而有之。不過實際上焦點卻落在細細粒身上，飾演保安的她一出場即不停「休褲」及整理衣衫，感覺有點不自在，到謝幕期間向觀眾握手時，細細粒更驚叫：「哎吔，甩褲！」幸好最後有驚無險，並無任何香艷場面發生。
問到細細粒為何在握手期間會如此大叫時，她笑言：「雖然所有服裝之前都有試過身，但唔知點解去到正式演出之前，我發現條褲太大條，可能同我當時瘦咗少少有關啦，哈哈。我當時諗住就咁求其搵條帶『索』住就算，但去到正式演出時就係咁一路跌、一路跌，所以要不斷咁『休褲』。」
另外，祥仔是次以超粗豪猛男形象登場，遭節目男主持寸爆謂：「今次是祥仔第一次在《喜劇之王》做回男人，有沒有唔習慣呢？」不過祥仔並未被嚇倒，更大搞食字爛GAG「反擊」謂：「咩叫做返男人呢？我真係男人來！係咪太維肖維妙呢？我真係有『子宮』（意思：手指公）的，仲有兩隻！」