■劉德華、馮德倫、舒淇近日頻頻為電影《俠盜聯盟》宣傳。香港文匯報訊（記者 李思穎）劉德華、馮德倫、舒淇近日頻頻為電影《俠盜聯盟》宣傳，三人再合作默契依然，訪問期間，華仔提議下次由舒淇擔當導演，他和馮德倫做演員，舒淇聞言雀躍萬分，即時想到可以開拍一部《美中年之戀》，不過暫時也是得個講字。不說不知，華仔是戲中大眾偶像，不但令導演馮德倫傾慕，舒淇也坦白說是因為華仔而放棄休息接拍此戲，華仔聞言鬼馬地笑道：「唔該升起我張櫈呀！」
舒淇還對華仔爆料說：「楊祐寧跟你做對手戲時係咪表現得好鎮靜？事實佢同你拍完戲，即刻走出來同我講話好近距離同你做戲，好緊張呀，畀佢笑死！」馮德倫被問點解會選中楊祐寧？他不善辭令地說：「因為唔係個個都有華哥的樣！」舒淇立即起哄說：「噢！你話楊祐寧唔靚仔！」搞到馮德倫一臉尷尬，舒淇這才替老公解圍說：「因為導演想要一個普通人！」
舒淇和馮德倫、華仔早年曾經合作過，幾年後再度碰頭默契依然，曾揚言想做導演的華仔，被問當導演時會否再跟舒淇、馮德倫合作？他坦白說：「係啦，諗左咁多年，光諗係無用㗎，真係要行先得！」華仔並改口叫舒淇做導演說：「不如你做導演，搵我同馮德倫做演員啦！」本來還嘀咕着說做導演好辛苦的舒淇，一聽到華仔的提議立即醒神地說：「好喎，就拍美中年之戀啦！」華仔聞言笑不攏嘴說：「馮德倫同我唔同年代㗎喎，你做乜夾硬要佢同我同年代？」舒淇表示無所謂，馮德倫就一臉無奈，場面搞笑。