■黃之鋒母親日前發表的《黃之鋒母致特首書》，成功呃到大量嬲嬲。 fb截圖「雙學三恥」因為暴力衝擊政總前地被判監後，佢哋嘅父母就經常露面以「父愛」、「母愛」去說項，好似有阿爸阿媽生就可以判輕啲咁。其中，黃之鋒阿媽日前發表畀特首林鄭月娥嘅公開信，質疑對方唔理解自己作為人母嘅心情、唔理解香港市民，形容自己個仔只係「擇善固執」，仲話「孩子們」俾特區政府「重審追加刑期至6個月至8個月，並在5年內被強制剝奪公平參選權」喎。唔少網民留言話睇完黃之鋒阿媽封信，就明白點解黃之鋒係咁嘅人，「我諗黃氏家族真係對『擇善固執』擁有非一般人的理解，我覺得用『執迷不悟』比較合適。」
黃之鋒阿媽日前喺《香港01》周報發表《黃之鋒母致特首書》，質疑林鄭唔理解佢哋作為「三恥」母親嘅心情，認為林鄭個仔喺名校畢業，所以神邏輯地認為佢唔會明白年輕人嘅壓力苦況等等。佢仲為「三恥」衝擊政總呢類非和平理性行為辯護，話林鄭喺當年10月21日嘅時候見學聯代表時，未有兌現當日承諾，仲反問佢「妳又期望巿民如何繼續信任政府？」
狡辯衝擊為「守護香港」
之後，黃之鋒阿媽繼續幫自己個仔「申冤」，話「三恥」俾人「重審追加刑期至6個月至8個月，並在5年內被強制剝奪公平參選權」，仲跟咗香港大學法律學院前院長陳文敏亂噏，話個判刑「竟是以當時未發生的『雨傘運動』的規模和影響來定罪」。佢聲言，自己個仔係「擇善而固執之」，本身可以對香港「不聞不問」，但佢選擇咗「守護香港」喎。
網民嘆黃家歪理神邏輯
唔少網民睇完封信都對黃之鋒多咗份「同情的理解」。「Samson Chan」就話︰「黃之鋒咁是非不分就係佢老母教出來！」「Clarence Cho」表示︰「黃氏一家亦從來不理會普羅大眾的感受，何解強人接受黃氏歪理？違法無須受刑又是什麼歪理？當日（用）雞蛋掟黃之峰（鋒）的市民亦被覆核刑期，黃氏家族有哼聲不公義嗎？」
「Joseph Li」就鬧得比較激︰「暴徒阿媽真係好霸道，自己既（嘅）仔以『我即公義』搞暴力『佔領』，嚴重侵犯其他不同政見人士使用政總廣場（前地）既（嘅）自由，當公共地方是自己私人樂園，名為『義士』實為『暴徒』......哩（呢）個暴徒阿媽自己唔去反省，仲要去指駡他人，真係『目無法治』。暴徒阿媽應該抄寫法官判詞內容十次，好好學習法治精神。」
「Stella Li」就反駁︰「與黃母說的相反，送佢哋三個小妖入獄，是救了一代年輕人的未來。之前被三隻小妖搧（煽）惑的年輕人，因為此事而清醒了走回正途。」「Sam Law」亦質問︰「無畏無懼去咗邊啫∼�哋話自己大個到可以玩政治&做領袖，做乜成日好似啲小學雞咁搵啲怪獸家長出嚟投訴㗎？」 ■香港文匯報記者 甘瑜