■熱狗又回帶「偉哥仰」玩嘢論，樂此不疲。fb截圖「青症雙邪」播「獨」辱華宣誓直接令自己玩完，曾經有人都認為好小事而幫佢哋辯解，（𠵱）家件事塵埃落定就俾人摷返出嚟算賬。話說「本土民主前線」嘅偉哥仰（黃台仰）曾經話宣誓「無成本，又可以玩野（嘢），點解唔做？」「熱狗」支持者「陳洛生」日前就將呢個舊文cap圖轉載，串到爆咁話︰「唔好意思，又要挖返出黎（嚟）。因為真係太經典，要無限loop（重複）。無成本？ 個成本係1,200萬律師費。」
網民都紛紛加入揶揄恥笑。「林方」就話︰「1,200萬都冇成本，真係豪，以後唔使捐錢畀『本民』、『青政』眾籌。」「趙雲」則表示︰「呢個世界，無嘢係無成本嘅。」「Thomas To」則看透「無成本論」話︰「破產唔駛（使）俾（畀）咪冇成本囉。#雖則破產都要錢。」
「Samuel Lam」亦話︰「件事最後都係無成本，因為唔係黃台癢（仰）找數。」 ■香港文匯報記者 甘瑜