「香港眾志」羅三七（羅冠聰）入冊，「無敵神駒」仇思達想起佢尾注？話說神駒日前喺facebook度上載咗同羅三七女友、「眾志」幹事袁嘉蔚嘅合照，叫人哋振作咁話，不過佢喺張相入面搭住女方膊頭懶親密咁，啲花生友就慫恿佢乘虛而入，「機會嚟喇飛雲！」唔知係咪唔抵得「狗主」黃毓民啲「教徒」同「左膠」大團結，「熱狗」除咗摷返神駒問候袁嘉蔚娘親嘅言論之外，仲將佢哋嘅合照惡搞做AV（成人電影）封面！（見圖）唔知羅三七喺入面睇報紙會有咩反應呢？
當年神駒主張城大退出學聯，同當時喺城大學生會入面嘅袁嘉蔚不時有爭拗，不過神駒??家似乎拋開一邊先，話雖然佢兩個想法南轅北轍，但佢男友羅三七被判監「於我心有戚戚然」，「我諗唔到有任何理由去講風涼話。嘉蔚，振作。」
神駒仲話，有人誤傳佢喺城大退聯期間當眾用粗口鬧袁嘉蔚，但事實上係親「熱狗」嘅「安德烈」所為，自己做唔出啲咁無分寸嘅行為喎。
不過，親「熱狗」嘅fb專頁「廢除雙重國籍行動」話咁快就摷到神駒講大話，好似佢曾經喺fb咁樣鬧過袁嘉蔚阻止「退聯組」：「×你老母袁嘉蔚！『退聯組』有外校同學聲援，你就走去搵『城管』篤魁。自己班學聯走狗，你就扮睇唔到，你快×啲仆×死啦！」唔知fb咁多人睇，算唔算神駒口中嘅「當眾」呢？
佢哋又話神駒之前猛烈譴責有份搞散「佔領」行動嘅袁嘉蔚同羅三七，今日人哋「求仁得仁」有監坐嘞，就走去扮friend（友好），「嘉蔚嘉蔚......好×嘔呀×你老母！」
稱是中文系畢業時與女方影
神駒當晚上「燶×台」（「MyRadio」）做節目時，主持亦都問到佢呢件事，佢話自己私底下都有慰問袁嘉蔚，張相就係自己中文系畢業嗰陣同女方影，不過主持即刻話「你隻手做咩呀，搭住晒喎」，佢就解釋女方係同系師妹喎。
■香港文匯報記者 陳庭佳