在教大民主牆張貼冷血標語的兩人至今杳無音信，一直「潛水」。佢哋以為做完咁冷血嘅事就可以平安無事，遁去無影，但係出得嚟行，預咗要還。民建聯東區支部fb網頁「每日一圖」系列昨日發佈一張「掟西瓜落海尋人」嘅圖（右圖），並配以「你哋去咗邊呀」嘅文字，召喚兩人快啲「上水」。咁又係，兩人都「潛水」成幾日喇，唔通兩個major係潛水？
「肥菜」喺城大民主牆貼完侮辱蔡若蓮喪子嘅字句後，就喺fb玩「自爆」，已經「上咗水」幾日，但教大呢兩個依然「潛水」，唔通真係eduhk「潛水班」嘅學生？難怪民建聯東區支部會話：「人地（哋）城大『肥菜』都上咗水啦，教大哩（呢）兩個真係......」
其實，傳統「掟西瓜落海」唔係尋人，而係尋「屍」，叫返嚟嘅係「鬼魂」，不過好似教大呢兩個人嘅所作所為咁鬼祟，就不用分得那樣細啦！ ■香港文匯報記者 鄭治祖