■陳潔麗香港文匯報訊（記者 植植）Hi Fi天后陳潔麗(Lily)今年入行十五年，這個月21日便在港舉行演唱會，Lily更為此灌錄了主題新歌。演唱會日漸迫近， 雖然經驗豐富，但Lily 笑說其實不管之前做過幾多場演唱會，每次出台前難免都會有少少緊張，但準確來講，更多的應該係期待同興奮！
幸好綵排進度至今仍算順利，負責唔同部分的好朋友都密鑼緊鼓地準備中！至於會否請來特別嘉賓出現，Lily說目前整個演唱會都無設計嘉賓環節，不過也賣個關子說未到show day，都唔可以百分百確定。一直以來欣賞同希望有機會合作的音樂人或歌手都有唔少，未來看看緣分吧。而今次無論從歌單或者音樂編排上都會有不少對她而言是新的嘗試，為的就係想帶給大家新的感覺之餘亦可以加深對她的了解。歌服方面，今次Lily香港場係全新的服裝同造型，當中更會有她首嘗相比以往稍為大膽一些的設計衫，笑說要扮靚靚見大家！