■林穎彤香港文匯報訊（記者 植植）林穎彤（Bella）昨日到新城接受訪問，剛由新加坡返港的Bella，在「星和無綫電視大獎2017」的序幕有份表演，她表示今次是第一次同唱歌有關的工作，大家唱劇集經典歌。自己唱師姐吳若希的《越難越愛》，都緊張，對自己表演都OK。
兩個月前正式簽約星夢的Bella透露老闆開始幫她揀歌，預計年底或明年初錄音，下年會有新歌。Bella說：「明年會將時間放在唱片方面較多，目前我亦有跟老師學唱歌，因為之前做舞台劇跟老師學過，覺得對方教得好，所以就繼續學。係好貴，但老師已經平咗畀我。」對於與兩位師姐吳若希、菊梓喬競爭，問她可感壓力？Bella說：「其實我唔會諗係競爭，我入TVB都好耐，只係難得有咁嘅機會，公司安排得畀我乜都做，我09年入行，個心態係有新的機會，係好感動。」