■胡琳香港文匯報訊 胡琳（Bianca）日前為新歌《一天也不能少》拍攝MV，Bianca笑言導演沒高難度要求，「粗重」功夫由演員代勞，自己「咪嘴」拍攝輕鬆收工：「其實自己都好耐都冇唱廣東歌，呢一刻一定最鍾意廣東歌，因為由細到大都係用呢個語言，所以表達情感一定係最好！」
胡琳就話自己推新歌除咗想大家鍾意之外，仲想透過歌曲去講故事：「其實每首歌的故事都好唔同，好似之前首《願望樹》比較抽象，今次首歌講緊感情最終都會修成正果，希望帶到正面的感覺比大家！」
Bianca就遠赴美國錄新歌，她表示把握時間休息：「之前每次去紐約都係去錄音同演唱會綵排，今次有時間睇騷吸收養分，今次我預咗兩個星期去休息，我視佢為學習的假期。」