■龔嘉欣(右)入行以來第一次拍床戲就獻給了李佳芯。香港文匯報訊（記者 梁靜儀）陳豪、李佳芯（Ali）、龔嘉欣、 麥明詩、譚凱琪及吳業坤等，昨日到鰂魚涌出席《誇世代 》宣傳活動。龔嘉欣大談劇中與Ali的床戲，她更把其「第一次」獻給了對方，不過二人兩腳交纏，嘉欣卻笑說：「有啲毛管戙」。
龔嘉欣透露昨晚會播出與李佳芯， 兩姊妹在床上互除互摸的戲份。Ali笑指有互動才好玩些。 訪問時，嘉欣表示入行以來第一次拍床戲就獻給了Ali， 不過劇中她也奪取了胡鴻鈞的熒幕初吻，嘉欣笑說：「嗰場戲我哋會兩腳交纏，都有啲毛管戙，但大家對腳都好滑，Ali就只識喺度傻笑。」Ali解釋當時興奮得只識笑。至於Ali則笑指入行後拍了不少床上戲，但對手是女仔還是第一次：「不過同女仔拍反而放好多，唔會尷尬， 因為對方有嘅嘢自己都有，但同男仔拍會顧慮好多。」二人又謂會上載私下拍下的靚相到網上跟大家分享。
另外，嘉欣又透露劇中開始成魔，連自己都討厭自己，又會色誘森美，更要穿bra-top跑步，她說：「本來係着普通衫，但要色誘森美要姣啲，所以變咗bra- top，仲要喺中環港鐵站街頭拍攝，有好多途人影相，所以都尷尬，劇中森美仲會幫我捽腳，佢冇尷尬，反而自己尷尬，可能本身男仔頭，但今次經常要嗲人同姣人。」談到森美鍾情影美腿，問到可有發現對方偷影她？嘉欣帶笑反問：「唔知喎，乜佢鍾意腳咩？叫佢自己cap圖啦。」
陳豪冀早收爐去旅行
陳豪（阿Mo）玩跳彈床時顯得相當避忌，問到是否怕傷到腰？ 他笑着否認：「我平衡比較差，跳彈床係弱項，（唔會帶小朋友去跳彈床？）又唔會，但佢哋有好多嘢學，學單車、 學游水，仲未排到學跳彈床，學唔切。」
阿Mo 透露大除夕當晚與太太陳茵媺靜靜地一齊度過，他笑說：「好難得可以一家人簡簡單單咁過，只要家人開心就足夠。（送禮物畀小朋友？）冇送禮物，佢哋去Party每次都有， 拆都拆唔晒，同太太都捐好多出去，（送咩禮物畀太太？），唔話你聽，（送『人仔』？）哈哈哈。」說到葉翠翠生完第一胎後半年再造人成功， 比他還要厲害，阿Mo即笑說：「都係三比二。」 他表示三月將會拍內地劇，要到深圳、台灣及外地取景， 預計要拍兩、三個月，而太太都有工作在身，不過會照顧好小朋友先。他又透露希望提早收爐，陪太太去旅行過二人世界，被問到會否兩個去三個返？他笑說：「生（仔）唔係問題，係教嘅問題，將佢哋養育成人做好人唔容易，現在係佢哋三個最需要我哋嘅時候，我哋都鍾意BB， 但遲啲先再生。」
印花
無綫電視現送出10套「誇世代限量版1:18模型」予《文匯報》讀者，有興趣的朋友請剪下文匯報印花註明「誇世代限量版1:18模型」送禮，連同付上貼上$10郵票的A4公文袋作回郵信封，寄往香港仔田灣海旁道7號興偉中心3樓─《文匯報》，數量有限，先到先得，送完即止。