第三場「快樂神駒」至今累積兩冠兩位，上季中轉五歲前一刻六十分同程一三三磅開齋，今季初千八米再下一城，於四班長期不贏也近，是此場穩膽。「康樂神駒」一再力拚「大情人」，低沉過後現評分越來越低，博減到迴旋有餘地，半冷選擇。
第四場「金碧輝煌」由呂健威接手後話咁快就贏咗兩場，上次由潘明輝換番梁家俊，沿途且戰且走，忍到最後幾步一鼓作氣，最終輸少少俾「四千金」及「一馬當先」，今次換何澤堯有權再接再厲。「一馬當先」近兩戰A欄同程俱上名，今次獲梁家俊棄「金碧輝煌」而就之，兩匹馬各為其主，一Q返應該都會有好分頭。
第五場「歡喜心」季內已兩勝四班谷中一哩，不論姿態及表現都充滿說服力，難得今場遇上扶輪百週年挑戰盃場合，估計幕後應可坐定粒六名利雙收。「星運判官」自購馬來到四班已有迴旋之力，上次同程後上不及得第二，今次潘頓再騎捲土重來可介入戰團。
第六場「魅影揚飛」上次初次渡江因直路取位欠順才落第，絕對非戰之罪，今次易配雷神必望收復失地，排檔內移有力見真章。「好吉利」來港一出即勝，上次排個大外檔，起步墮後移入慳位，搞到拉士塞車，咁唯有當冇跑過，潘頓再騎肯定會搏多次，只要今次五檔起步好運少少，就可以順利補中。
第七場「春盈」之前田草跑來跑去不出頭，自轉來谷中上陣三戰不勝有位，今次郭能做唔到磅立即換上莫雷拉操刀，賽前試好大閘而來可爭取好成績。「百步穿雲」今次初跑谷草，但季內曾三次渡江試谷閘取冠亞各一，潘頓壓陣配搭完整，暗牌馬可搗亂大局。
第八場「爪皇烈焰」上季七十分贏馬，上仗同程中段難以穩定走勢，又曾勒避，與梁家俊似不夾檔，今回配兩勝的郭能，霍利時必盡早替此系馬交代。「環保動力」是沙田一哩頭馬，季初同程排劣檔沿途居後，末段追回不少失地，冷要防。