【資料速遞】星運判官出頭在望

2018-03-06

今季跑馬地已用咗六次A欄作賽，睇番最近二月七日同一欄位八場賽事，當日除咗頭場時間快過標準時間之外，餘下七場都係慢過標準時間。當晚三場千二米短途有「好益善」一放絕塵，「指揮官」守第四位入直路得手，「四千金」則後上爆冷；至於三場一哩有「勁有波幅」搶出帶到，「放眼量」及「順其自然」守第六及第八位中間位置建功；餘下千八米「包裝騎士」放頭帶到，二千二百米「其樂無窮」後上爆冷，總結季內跑馬地A欄特色，放追都算公平。騎師方面，今季六次谷草A欄潘頓次次有馬贏，合共交出七場頭馬，當中五匹為大熱，另外一匹為次熱門，今次續由他壓陣的「星運判官」就最值得留意。