【資料速遞】傲歡騰開氣後郁手

2018-03-13

近年唔少香港退役賽駒運到外地重生，新近又有「精彩鬥士」揚威一級賽閃電錦標。香港馬退役到外地有好多原因，可能不適應水土氣候，或者有傷病需要較長時間去療養等，另一類則係為着開枝散葉急流勇退，當年於四歲馬系列尾關飲恨的「俊歡騰」，退役後亦返回出生地澳洲配種，不過成績暫時一般。今次沈集成匹「傲歡騰」亦是出自靚仔種馬「俊歡騰」，兼為馬主引入的第三匹同系馬，之前「杰歡騰」曾三勝谷草一哩，另一匹「滙歡騰」五戰一季退役。「傲歡騰」有匹全兄弟在澳洲贏過一場一千米，擅跑中短途，熱身後要留意。