香港文匯報訊 正在籌備5月紅館演唱會和全新廣東專輯的古巨基，新專輯概念是香港故事。這個概念早在去年年初已構思，基仔更為此定下了很多歌曲題目，其中一首歌名鎖定為《子華說》，而新歌上架一天更即登上iTunes廣東歌歌曲榜首位！基仔表示︰「子華喺棟篤笑裡面嘅金句，好係香港人喺生活中嘅心聲。例如愛情、上班族、生活日常等，無論乜嘢年紀聽到，都可以從中搵到共鳴位，令你會心微笑。」基仔續說：「我同子華講咗呢個歌曲概念，我話呢個世界冇第二個人可以幫我達成呢個project，所以我真係非常非常感謝子華呢次拔刀相助。」
問子華神為何這麼撐基仔？子華笑說︰「我好少幫人結婚時做兄弟，人生都係做過兩次，第一次係劉青雲，另一次就係十幾年後幫基仔。好少人請咁大年紀嘅人做兄弟嘅，今次係為咗報答吽A哈哈。」新歌中，基仔唱，子華Rap，還有林夕填詞、將子華歷年金句整合，最後再由雷頌德監製、作曲同編曲，簡直是黃金陣容。
問到基仔對子華哪些金句最深刻？古巨基：「最深印象係人生三大矛盾『搵食啫、犯法呀？我想㗎？』仲有『落咗妝仲認得嘅叫化妝，落咗妝唔認得嘅叫喬裝』好多句都好啜核抵死。」更鬼馬嘅係，子華在錄音期間突然靈感大爆發，還即興創作金句，「船到橋頭變林夕」，「做隻貓、做隻狗、做隻出位的馬仔」，可謂為《子華說》添上神來之筆。