■民主黨喺官方fb發帖「聲援」許智峯。民主黨fb截圖民主黨此前「大義凜然」譴責許智峯，原來都係苦肉計，最終目的都係為咗護短。許智峯前晚向個人資料私隱專員公開「七問」，民主黨亦喺官方fb發帖「聲援」。唔少網民狠批，話佢哋夾埋許智峯扮受害人轉移視線，反映咗�哋根本就係「黨友第一，法律變第二」，為咗包庇許智峯嘅罪行而罔顧法治。
民主黨在峯搶手機一事公開譴責，又話要避席譴責動議嘅相關討論，然後搵兩個前主席何俊仁同劉慧卿，以所謂「普通黨員」嘅身份話陷獗葹蠷A合做立法會議員，結果「成功」引起盲粉嘅反彈，民主黨就順勢轉軚，話「我冇講過我要避席」，又稱許智峯「罪不至死」，你話唔係扯貓尾都冇人信啦！
嗌正視「監察議員」圖轉視線
為咗保住許智峯，民主黨亦乘勢反守為攻，包括由許智峯公開向私隱專員「七問」，民主黨官方fb亦都發帖，引用「七問」中話「政府人員『監察』議員『行蹤』的做法，......做法更可能違反《私隱條例》，......希望大家可以正視返政府一直都用公帑、公權力介入立法會運作，呢件事完全係不可接受」喎。
唔少網民就留言鬧爆民主黨包庇。「Chuck Lai」質疑道：「正設計令許智峯成為受害人 ？黨友一犯事，法律變第二！」
「Andy Tang」批評民主黨：「就算你懷疑政府侵犯私隱， 都唔係等如（於）你可以去搶一個政府人員嘅手機， 更加涉嫌對對方（女方）有肢體接觸， 再用自己所謂嘅方法去下載或閱讀有關資料， 請問呢位專貴嘅傍陪蔅�咗幾多宗罪？」
佢狠批：「民主黨咪一味喺度轉移視線， 如果貴黨不嬲係講法律 、講理智， 可以大條道理喺立法會度動議質詢或者去信政府，不過貴黨慣咗生安白造，諉過於人，林子健『報假案』一事同政府道歉咗未？ 同中央道歉咗未？」
網民：質疑侵私隱應法律解決
「盧廣盛」也道：「香港記者也時常用相機和攝錄機捕捉議員舉動，是否可以去搶他們的相機和攝錄機呢！」「Ih Che」亦話：「認為政府侵犯私隱咪去告×佢囉，你地（哋）咁×多律師，無錢咪出街籌款囉，你地（哋）最叻架（㗎）！」「Chuck Lai」就質疑：「正設計令許智峯成為受害人 ？黨友一犯事，法律變第二！」
有人就根據「七問」中的「政府保留議員行蹤資料半年後仍未刪除，是否違例」一問，認為證明了許智峯當時的確私自下載他人手機內的資料。「華英雄」就話：「你又知係超過半年？ 許智峯搶電話睇到㗎 ？咁樣爆響口算唔算犯法？ 搶電話非法得到嘅資料還可唔可以作呈堂證供？」
「Darin Chan」也質問：「請問民主黨點知政府半年冇刪除資料？是否許議員從搶劫回來的手機內下載了相關資料再由貴黨使用？係嘅話，似乎貴黨同許議員都犯咗『不誠實使用電腦』罪喎！貴黨主席應該因此而自首同引疚（咎）辭職！」 ■香港文匯報記者 陳川