「無神論者的巴別塔」轉載戇橋喺紐約中央公園寫意地坐喺草地嘅相，話政府人員觀察議員開會情況真係需要㗎。「無神論者的巴別塔」fb截圖公民黨主席梁家傑同黨魁戇橋（楊岳橋）走去美國唱衰香港，唔只主流社會唔鍾意，連反對派中人都鬧爆。點解？事關班反對派議員前日喺立法會為「一地兩檢」賣命演出，又鬧又喊又賴死唔走，但戇橋竟然喺呢個時候貼咗張喺紐約中央公園寫意地坐喺草地嘅相，成班反對派即刻鬧爆佢「旅遊抗共」、「有走佬的覺悟」、「旅遊搵關鍵（一席）」咁話。
facebook專頁「無神論者的巴別塔」前日就率先發炮，話政府人員觀察議員開會情況真係需要㗎，如果唔係就會有戇橋咁樣嘅人囉，「當『飯（泛）民』為左（咗）『一地兩檢』議案又哭又鬧嘅時候，我地（哋）親愛嘅『關鍵一席』議員，正以必死的決心響美國× hea緊！」
佢仲標埋戇橋叫佢解釋自己喺中央公園「打緊乜嘢大仗」，再加多句「遙距摑到保皇黨口腫面腫」去揶揄佢之前懶有決心嘅講法。
被譏「審議案讓領導先走」
唔少反對派中人都加入鬧爆㗎。「無敵神駒」仇思達話︰「旅遊搵『關鍵（一席）』！講就『必死的覺悟』，『打到建制派口腫面腫』；做就『旅遊抗共』，審議『一地兩檢』竟然『讓領導先走』。呢啲咁嘅人渣九萬六從業員，真係唔死都無用！」
有戇橋支持者就幫手澄清，話戇橋係去美國講解「香港近況」，唔係去旅遊咁簡單。
「巴別塔」再強力怒轟︰「你真係當人白痴咩，立法會議員去旅行，就梗係會諗個藉口黎（嚟）正當化佢架（㗎）啦，正如『天下為公』呃你班『黃屍（絲）港豬』錢去英國旅行、搵自己友賺哂（晒）啲顧問費，又會老老實實講你聽咩！」
佢再補刀話，個座談會咪由梁家傑去囉，「做乜×楊岳橋又要跟埋去？你班『黃屍（絲）狗』知唔知立法會議員嘅首要職責係咩呀，係開會同投票呀！」
fb狂講「一地兩檢」扮做嘢
「巴別塔」最後仲話︰「而最搞笑嘅係，楊岳橋自己個FB（fb） Page直到夜晚之前，係完全無提到楊岳橋去美國呢件事，而不斷更新有關『一地兩檢』議案嘅審議情況，就好似香港有啲打公（工）仔知道老闆無番（返）公司，就響屋企SOHO（辦公）不停SEND Email（傳電郵）扮響公司做嘢，其實偷懶！」
佢又形容得幾傳神喎。■香港文匯報記者 甘瑜