■柴文瀚發帖寸朱凱廸。 fb截圖「自決派」有幾乞人憎，睇吓連哎吔自己友都要喺公海出post插佢就知啦！蟲炎（姚松炎）此前公開話要將鰂魚涌嘅休憩公園興建合作社房屋，但就反對喺坅峊曭�近──置富旁興建公屋，搞人唔搞自己，辣着晒港島其他反對派嘅區議員，包括民主黨嘅南區區議員柴文瀚。佢近日發帖，質疑蟲炎「朱隊友」朱凱廸係「以拉倒純為港人的利民基建為樂」。
柴文瀚喺周二（22日）發帖，話嗰日係「青葵公路全線通車20周年」。身為反對派，佢梗係「戀殖」一番，兼插建制派甚至中央一嘢，稱呢條路當年落成係「全靠港英政府勇於規劃，以及當年泛民及商界支持，力抗親北京陣營」咁話。
佢仲話：「到了今天，當然有不少所謂基建，只求刻意與『大陸』連接，根本絕非全部必要，但想不到竟然有一陣子，就連沙中線及中九龍幹線也被指為大白象工程；而個別立法會議員，更以拉倒純為港人的利民基建為樂，理解事實的公眾實有必要協助解說。」
柴文瀚講緊邊個？佢特登喺帖度重提去年立法會工務小組委員會審議中九龍幹線時的「棄權組合」：蔣麗芸、朱凱廸、陳志全，仲話：「呢個組合睇怕有今生無來世。」呢3個人中，邊個最常將「大白象」掛喺嘴邊嚟反對基建設施？相信唔使多講。
網民批朱放棄理性討論
佢嘅帖引起自己友嘅共鳴。「Hoffumen Yip」留言話：「今時今日好多政客都已經變成為反而反，同為撐而撐。」柴文瀚就呻道：「咁款真係唔好玩，諗返幾年前解（釋）咗接近成個月，有班友先明沙中線接近純為香港人而設，仲要係1960年代計劃，真係接近嘔血......」「Hoffumen Yip」就慨嘆：「佢地（哋）好似而（𠵱）家放棄左（咗）理性討論。」
前日，佢又喺fb轉載咗朱隊友近日推動元朗天橋「Plan B」方案嘅新聞。據朱隊友話，將天橋縮短一半，只連接西鐵朗屏站至安寧路，估計造價就可減半。
柴文瀚今次就畫公仔畫出腸，明寸朱隊友：「立法會議員在撥錢前，查問清楚造價為何高昂，當然是職責所在，但為何有所謂『絕世好橋』，總是在最後才推出，即是若推倒重來，由重新設計、探土及研究撥款等，要至少多花至少四至五年？」
諷跟「Plan B」有永續關係
柴文瀚仲寸多句：「還是，有些人總是跟『Plan B』，有着永續關係......」擺明係針對喺今年九龍西補選時落力攻擊「Plan B」嗰位朱隊友啦！
有網民就留言恥笑朱隊友嘅建議。「Chan Ting-kwan」道：「縮短一半平一半......我究竟睇咗啲乜建議？」「Milka Wong」就話朱隊友建議只連接西鐵朗屏站至安寧路堅離地：「做乜春要咁做？安寧路又唔係多人多車，行開去咪得！」
■香港文匯報記者 陳川