有人為社區參選，有人就淨係為搞政治鬥爭而參選，有時就連「自己人」都頂唔順。反對派支持者「Wesley Tai」近日喺人社集中嘅fb專頁「社運四方」，分享咗代表反對派參加佳曉選區補選嘅李鳳琼嘅帖（見圖）。佢發文話：「我係小西灣街坊+激進派支持者，經過今次近距離觀察補選，我只可以真心講一句，人社唔好搞區選啦！」
「Wesley Tai」話：「區選係畀中間派玩，無資源已經輸一截，最慘係激進派候選人個個鳩嗚團咁樣，嚇親政治bb班嘅街坊，一開口就反不公、抗惡法，真係入唔到屋。」
你咁講即係強人所難啫，佢唔搞呢啲仲可以搞咩，唔通叫佢做實事咩？代表反對派參加今年九龍西立法會補選嘅姚松炎，咪又係一樣樣？你以為輸咗妠N會認自己離地咩，唔會囉，最多輸咗時就鬧吓其他自己人唔幫手、抹黑人哋「買票囉」。
同區候選人還有陳真真。
■香港文匯報記者 陳川