唔知點解反對派呢輪咁鍾意玩回力鏢，吓吓都中返自己。公民黨「普通黨員」吳靄儀幫暴動罪成嘅梁天琦寫求情信，話梁天琦係佢從政30年來見過最優秀嘅政治人才咁話。
唔少網民揶揄話，吳靄儀即係曲線話成個公民黨班後生仔都冇個似樣啦！有人更回帶公民黨成班人當年喺立法會新界東補選大讚楊岳橋好過梁天琦一事，話佢自打嘴巴。
吳靄儀幫梁天琦寫求情信，讚到佢天上有地下無，又話佢識「深刻理性分析」、「熾熱追求理想」，識「自我反省、敢於承認，不迴避過失責任」等等，話佢係自己從政30年來見過最優秀嘅政治人才喎。有唔少網民就佢呢番說話去砌楊岳橋。
「戇橋煽衝唔開會去旅行先醒」
「Dicky Cheung」就話：「比起關鍵一席（楊岳橋），佢真係正常好多。」「Heathen To」也道：「優秀唔過楊岳橋啦，幾多吮民含住（淚）投佢貼錢俾（畀）佢做關鍵缺席去旅行！」「Peter Wong」就曲道：「楊惡（岳）橋就機智，叫人衝，坐監既（嘅）永遠唔到佢！」
有唔少人就大鬧公民黨竟然將暴徒捧上神枱「造神」。「Hung Chan 」怒道：「佢哋為選票煽動人為拮魚蛋坐幾碌，有幾×優秀啊？」「Leung Kwok Yiu」道：「吳小姐這話會害了好多年輕人呀！」「SK Fan」也批評：「『本民前』係累死人。累死一大堆毫無生理、心理、物理準備嘅人。然後你哋將呢個人捧上神枱？」
「Thomas Wong」也怒道：「條粉葛話優秀∼坐果（嗰）個又唔係佢！講風涼話！」「Kam Va Pun」亦話：「你唔坐下（吓），你坐完仲優秀呀，推年輕人去死，×街！」
「Jacky Fan」更話吳靄儀係偽君子：「收工啦！貴黨（公民黨）譴責梁天琦嘅時候妳喺邊到（度）？」■香港文匯報記者 陳川