香港人對「錢」字就最敏感。小麗老千（劉小麗）撤回上訴，即係唔使再用所謂「守護公義基金」抽返嚟嘅錢啦，但啲錢點算？基金發言人鄭宇碩日前就幫老千口，話啲錢會用喺其他人身上，即係冇水回啦！唔少網民都要求基金交代到底用咗幾多錢喺小麗老千身上，「人哋原意係捐畀你打官司，唔係入你袋！」
「畀你打官司唔係入你袋」
小麗老千喺fb交代佢撤回上訴嘅決定，網民「Connie Tse」就留言追問：「籌旗果（嗰）筆錢點安排？你有責任要交代，人地（哋）原意係捐比（畀）你打官司，唔係入你袋！」
小麗老千專頁嘅管理員就話唔關佢事：「『守護公義基金』收到的捐款當然由基金管理，款項將會繼續支援DQ案原訟庭政府律師費、長毛上訴的法援墊底費、『佔中九子』案等司法打壓的案件。」
「Jason Yau」就追問：「我想知你由話宣佈要就上訴籌款到今（前）日撤回上訴嘅時候，有冇動用過捐款的一分一毫 ？如有，總共用左（咗）幾多錢？」「Connie Tse」也道：「叫得人捐錢就有責任交代籌左（咗）幾多，用左（咗）幾多，用左（咗）去邊度，我唔明點解『公義基金』透明度咁低？」
面對連番追問，專頁管理員學足佢老闆潛咗水，「Shek Hilton」就質問道：「小麗唔好潛水啦，出黎（嚟）交代下（吓）啲錢去左（咗）邊啦，唔係仲邊有人肯投票俾（畀）你。」
小麗老千的支持者「Kam Hong Chiu」就幫口：「信人莫疑，疑人莫捐！你吔（哋）唔信小麗老師，咪唔好捐囉！」「Connie Tse」就拿港鐵主席馬時亨此前「講錯嘢」來反駁：「即係馬時享（亨）話齋，我做得呢個位，你就要信我？」
「Jason Yau」也批評：問下（吓）唔得？饅頭雄（梁國雄）思維！」「Connie Tse」就回帶：「話捐錢又無捐足，小麗老千呢個名真係無改錯佢！」
「Laurence Woodville」就幫老千口：「人家『守護公義基金』有清楚公布（佈）捐款的支出情況，『小麗民主教室』也有踐諾將部份（分）議員薪金捐予非牟利團體，......溫吓書先出來獻世啦 !」「Willy Chan」就反唇相譏：「『小麗民主教室』係有實踐承諾捐咗四個月糧咁大把，而（??）家政府再冇追糧，唔該將走咗數果（嗰）幾個月人工捐返出嚟，真真正正實踐承諾。」 ■香港文匯報記者 陳川