嚟緊咁多選舉，好心就醒醒定定啦，個個都搵緊攻擊目標㗎。元朗17億元�H天橋早前喺立法會工務小組獲得通過，表決結果一出，又係清算�H時候。「新民主同盟」荃灣區議員譚凱邦，同依家「獨立」咗�H黃大仙區議員譚香文近日就相繼出帖，清算5個缺席投票�H反對派議員，鬧佢哋成日用「關鍵一席」嚟呃人，到投票時就關鍵缺席，其中屬於新界西�H公民黨郭家麒，仲俾人叫佢「如無抗爭意志，下屆請退位讓賢」𠻹。網民都不斷鬧爆話唔好再投畀傳統反對派，嗱，出個post鬧吓人咪做到嘢囉。
睇返表決結果，當日以16票贊成、13票反對、1票棄權通過咗元朗天橋個議案，5個缺席�H反對派議員，分別係鴿黨（民主黨）主席胡志偉、佢黨友黃碧雲同許智峯，前鴿黨成員區諾軒，仲有正正就係新界西議員�H郭家麒。理論上，佢哋如果有出席投票，係可以扭轉形勢�H。
譚凱邦譚香文發帖鬧
當然佢哋無拉倒興建天橋，喺一般市民眼中梗係一件好事啦！不過，選舉近了，你估「同路人」會放過你哋咩？「新民主同盟」立法會議員咖喱飯（范國威）個老友譚凱邦喺自己fb就上載圖片，框住表決結果上呢5個人，出post問︰「一個17億的『大白象』天橋，點可以缺席投票？」
喺反對派「初選」時力捧范國威、狂攻其他反對派，結果疑似一度「被滅聲」�H「保衛香港自由聯盟」創辦人韓連山，喺立會補選後、區會選舉前仲同你客氣咩！佢轉發咗譚凱邦�H帖，仲發文話：「太令人憤怒了！只要班『飯（泛）民』出席投反對票，『大白象』工程便不能通過！」
「Nam Aidan」就留言點出：「區（諾）軒已非白鴿人，但......唉......！」「Willy Chan」就揶揄：「區諾軒仲係留住爛鴿�H血......」
「自決派」議員朱凱廸就留言踩多腳：「我俾民建聯串（寸）左（咗）唔止一次，放水俾（畀）你地（哋）都唔夠贏。」「Fai Ho」怒道：「果（嗰）啲自稱『議會抗爭』的激進派如果只係行禮如儀投反對票都唔好放過。」
「無抗爭意志」下屆咪鬼選
譚香文就出千字文數臭呢班人，最針對�H係「郭家麒，如無抗爭意志，下屆請退位讓賢！」佢批評︰「你班『泛民』年年都話『關鍵一席』、屆屆都話守住否決權，......結果，咁多年來莫講話係咪真係否決到政府『不義議案』、或者係『大白象工程』，有時呢班『泛民』甚至連否決的意志都欠奉。好似最近呢個元朗17億行人天橋撥款，係（喺）工務小組投票就再一次見到『泛民主派』缺乏應有的『抗爭意志』。」
譚香文仲預先反駁議案可以直接上財委會等�H講法，話缺席投票本身就「不可接受」，「若果一開始就認定政府和建制派每次投票必然夠人、夠票而合理化自己缺席的舉動，那麼當初就不要講甚（什）麼關鍵一票、講甚（什）麼否決權，因為在這些缺席投票的人當中根本不存在！」
佢更狠批郭家麒掛住做醫生，連自己所屬選區�H事都唔理，仲寸佢連「1比69議員」，即係「熱血公民」個鄭松泰都有投反對票，叫佢下屆讓位畀公民黨班後生仔，「連埋功能組別都做咗三屆係時候交捧（棒）喇」。
阿澤譏「含淚投票」惡果
演員杜汶澤也發帖揶揄：「假設當日五位議員全數出席並投反對票，結果便不一樣......」帖子標註了「係因為你地（哋）含淚投票」、「令佢地（哋）有月薪九萬六千元的好生活」。■香港文匯報記者 甘瑜