■江若琳笑Oscar影相表情生硬。香港文匯報訊 將於年尾結婚的江若琳(Elanne)第三度為婚紗店Monalisa代言，今次終於由真命天子未婚夫蕭潤邦（Oscar）成為拍檔，Elanne感覺特別興奮。Elanne說：「入行咁多年，拍戲、廣告，其實我大大話話着過十幾次婚紗，以前係無乜感覺，只覺得係戲服一件，今次拍檔係未來老公，終於覺得原來着住件婚紗都幾感動，同埋會好期待睇相」
問到Elanne對今次拍檔的表現評價，Elanne則勸Oscar繼續努力做生意。「Oscar可能好多年無做幕前，縱然佢有model的身高，但係佢一對住鏡頭就好怕醜、唔係幾自然，所以其實今次大家揀相嘅過程唔係好困難，只要揀Oscar表情自然、無眨眼的就已經好快，佢都係繼續努力建立佢的生煎包王國啦，哈哈！」
今次拍攝地喺香港，問到Elanne同Oscar之後仲會唔會去外國再影婚紗相，2人表示一定會。「我們係好鍾意去旅行，所以今年每去一個地方都會影啲相，有啲好生活、有啲好正式，想有多啲唔同的相留念。」