■許靖韻香港文匯報訊 內地節目《創造101》上周六進行第三輪專業考核公演。歌手許靖韻（Angela）繼上次第二輪公演成為「點讚王」後，今次Angela再下一城，冧莊「點讚王」！今次第三輪考核係邊跳邊唱，Angela一組就揀了原創歌曲《別人家的小孩》，賽前訓練時，導師羅志祥亦都表示呢個舞蹈完全唔係佢呢組的style ，因為反差太大。不過正式公演時，Angela出乎意料，表現令全場觀眾驚喜，一身紅色波點西裝造型，加埋強勁的舞步，令人眼前一亮！最後以組內最高點讚票數冧莊成為「點讚王」！
就連韓國男團EXO前成員兼節目製作人黃子韜宣佈「誰是點讚王」時，都忍唔住大讚Angela跳得好，「作為vocal擔當的許靖韻第一次跳舞！許靖韻這次是唱跳歌手了！」完全冇諗過成為「點讚王」的Angela即刻呆咗，旁邊組員同佢講咗兩次「It's real! It's real!」佢先至「回魂」。