■展鵬晒證據解畫。香港文匯報訊（記者 梁靜儀）陳展鵬近日被「蒙面業主」指他去年於將軍澳租住一個單位，單方面提早退租兼欠交一個月租金，收樓時又發現地板發霉變黑，冷氣內又有釘。就此事展鵬昨日在將軍澳電視城為新劇《天命》開工時，表示對事件感到無奈，並拿出雙方的對話cap圖及相片就指控作出反擊。
展鵬表示住在將軍澳這個屋苑都有7、8年，而今次搬了去另一個單位後，住不夠一年就搬走，裡面當然有很多問題出現。他說：「我係大約4月29、30號已經離開住所，以為Settle咗完結咗，但昨晚就有一啲報道，又話我租霸、又話我破壞地板。」他指跟之前住的兩個單位業主都好好關係，今次令他有些無奈。
至於有指他用白紙鋪了在發霉的地板上面，展鵬表示其實差不多全部的片及相，都是他發給業主的，告知對方屋企有什麼問題，他說：「先講地板，喺兩、三個月前已經同佢講咗，天氣冷縮熱脹時就會拱起，係好危險，咁有一次仲令到我媽咪仆親，好大件事，現在仲醫緊腦震盪。每一次個業主都話去整，搵人修理，但每一次都係唔知等幾耐，次次都係等，因為之前睇樓同簽合約都係我媽咪去簽，我真係唔喺香港，同佢睇樓嘅人都係佢隔籬鄰舍。」問到是否因對方主動說簽租兩年租金會較便宜，所以就簽了兩年死約？展鵬說：「簽約時係媽咪簽，自己真係唔喺香港，媽咪睇完一次，就表明房內入牆櫃用唔着，跟住我哋話唔要喇，之後再撞到業主，佢話只要唔改動屋裡面的則，點樣都可以，最緊要肯租就OK，點知簽咗租約入住後，拆櫃啦，原來全部冇油油，都冇所謂，自己搞掂啦，電掣又狂跳fuse，業主之前同我哋傾時又話有問題可以搵佢，入咗去就有問題。」
暗示業主出爾反爾
展鵬指最大問題令其母不想跟業主傾偈是因一個熱水爐：「由年頭四月入去住，拖到我要搵煤氣公司上屋企整，因天氣凍媽咪身體又唔好，六、七個月到，之後對方又嫌貴，要自己搵師傅上屋整，因自己經常唔喺香港，要交由助手處理。至於地板，專業人士都睇到，其實都已變緊灰，都冇蠟喺度！全部相同片都係我發畀佢，話畀佢聽有問題，佢都話整，之後媽咪出咗事，我同佢講唔使整喇，媽咪kick到撞到個頭。」
至於用紙及布遮住用意，他解釋不是專登去遮，因為地板撬起晒，全部爛晒，他要搬屋，交吉要影相，相片也是他影的，並不是對方帶區議員上去影的，加上對方話業主要來收鎖匙，但他媽咪又行唔到，要坐輪椅，講嘢又講唔到，他又不在香港，於是就叫助手擺條鎖匙在管理處。之後問題就開始出現，他稱大家一時接洽唔到，又指如果對方要拿回一個月租沒問題，但要搞清手續先。他續稱既然事件已發生，自己又是公眾人物，會坦然面對，最好用法律途徑去做。
問業主有否提出要賠償？展鵬謂：「其實真係冇問題，我哋之前都有來往過，傾完後佢係同意咗，但唔知點解又有唔同變化，我只希望盡快搞妥件事，我都搵咗律師處理！」他又澄清絕對沒用粗口鬧過業主。