網議政事：袋巾「吹水論」庇「獨」 頌雄寸：訟黨齋吹？

微信掃一掃

傳統反對派中人為淡化「香港民族黨」等「獨」派組織的違法言行，費盡心思為他們辯護。公民黨主席梁家傑（袋巾），在一個電視節目上就聲稱「民族黨」只係「吹吓水」，不會威脅到國家安全，故特區政府不應取締。同場的工聯會立法會議員陸頌雄即時秒殺：「咁唔通你哋搞公民黨又係吹吓水？......組黨已經唔係吹水，而是有組織、有策劃嘅實質行動！」

陸頌雄同梁家傑早幾日同場接受一個電視節目訪問。在節目中，梁家傑聲稱，「民族黨」只係「齋講吓『港獨』」，而黨員亦只得數十人，「國家安全又點會受到威脅呢？」

陸頌雄即時反駁：「組黨都叫吹水？咁唔通你哋搞公民黨又係吹吓水？玩吓泥沙？組黨已經唔係吹水，而是有組織、有策劃嘅實質行動！唔係幾個人食飯，飲大兩杯（醉酒）講吓笑。梁家傑唔好用『吹吓水』去淡化『港獨』問題。」

陸頌雄其後將片段上載自己的fb，並將之形容為「涼瓜傑嘅邏輯」：「如果『港獨』組黨都叫吹水、冇實質行動，咁『公民袋』組黨即係小朋友碌泥沙玩口水啦？真係人唔笑貓都叫。」唔少網民睇片後都大讚陸頌雄寸得應（見表）。 ■香港文匯報記者 陳川

讀文匯報PDF版面