■泳兒出席「半邊天」計劃開展禮。香港文匯報訊 日前，歌手泳兒（Vincy）到馬鞍山出席「沙田警區『半邊天』計劃開展禮」，計劃係同區內婦女組織合作，防止和及早介入家暴事件、兒童犯罪、網上情緣等騙案。
活動上，Vincy除出唱出由張佳添作曲的計劃主題曲《預留位置》，對於網上情緣騙案，Vincy話而家科技發達，好多生活日常、習慣都改變，就連男女朋友，都可以通過網上認識，「所以認識一個人，最實際都係面對面直接對話。同埋老生常談一句，要帶眼識人。」Vincy自言冇遇過網上騙案，不過自己社交平台，間唔中都會收到古靈精怪的inbox message，Vincy笑說：「比較普遍的就係問我電話號碼幾多號；另外，有一個印象特別深刻，就係佢每朝早、中午同夜晚都會同我講早晨午安同埋早唞，出event佢就會話我在邊度見到你，又知我在邊整頭同上落車，有時仲會send相畀我睇，對我的行蹤清楚過我自己，但我從來沒見過佢真身，哈哈。」聽落都有點驚，咁有冇同男友講？Vincy就話：「我會叫埋佢過來一齊睇，開心share，哈哈，可能佢係比較瘋狂了少少，但我都好多謝佢咁支持我。」