■婆婆過馬路行到中間時突然暈倒，陳凱欣即上前扶起，仲扶佢到路邊消毒護理。食物及衛生局前政治助理陳凱欣早前獲九龍社團聯會委任為「健康大使」，果然真係好關心市民健康。民建聯深水埗社區幹事陳龍傑前日就喺facebook度分享咗件小事，話早前參加九龍社團聯會嘅「全城投入 活出健康」系列活動時，同陳凱欣一齊喺大埔道創興銀行門口擺街站派健康小錦囊，其間有個婆婆過馬路行到中間時突然暈倒，陳凱欣即上前扶起婆婆，仲扶佢到路邊幫佢消毒護理，令唔少人覺得好感動。
陳龍傑話，自己8月18日嘅時候同陳凱欣一齊派健康小錦囊畀街坊，「十分受歡迎，行過嘅街坊都好樂意接小冊子並細心睇內容。」原來，本小冊子嘅「三好三絕一多」健康秘笈仲係陳凱欣寫嘅，陳龍傑大讚︰「一個親力親為親寫的健康大使，令人敬佩！」
其間，有個婆婆過馬路行到中間時突然暈倒，陳凱欣就去扶起佢，扶到婆婆去路邊，踎喺度幫坉荈豸f消毒貼膠布，仲仔細問婆婆嘅健康狀況，目擊呢個情況嘅陳龍傑話︰「相信每一個行經睇到嘅街坊都同我一樣俾佢嘅愛心及樂助精神所感動！」
見到陳凱欣咁有街坊心，但近日係咁俾反對派攻擊，陳龍傑坦言覺得「十分無理、扭曲、不忿」，希望阿欣要加油，「社會需要正能量、社群需要奉獻服務！」 ■香港文匯報記者 鄭治祖