香港文匯報訊（記者 陳川）大家都唔鍾意老馮（馮檢基）係一回事，自稱「民主派」，但連既定嘅民主程序都唔跟，走去搞欽點，仲日日搵「主流派」叫老馮收皮啦，就未免太過賤格。連「人民力量」前立法會議員陳偉業都睇唔過眼，話：「所謂民主派人士的虛弱，令到老馮看來堅強。」
「人民力量」成員周志超喺fb發帖，狠批流反對派近日圍攻老馮迫佢退，但就妄想要人哋過票：「××馮檢基好吖，人哋理直氣壯收埋袋裏（裡）面嘅婆仔票，你唔恨佢D（啲）票，夠數贏咪×佢囉，但你諗清楚好喎。唯一夾佢嘅方法就係初選KO佢，然後阿基哥麻煩你幫手開多幾次街站call票啦。」佢繼續話：「唔搞初選，DQ前唔係工黨，加入工黨，你話唔係目的係推Plan B，呃細路咩......如果你連初選都冇信心贏馮檢基，你點有說服力補選你能贏？」
佢狠批：「一班冇吸（汲）取教訓嘅人，以為每個支持民主嘅選民都要比（畀）票你，老細，你冇示範民主我睇喎.......就算係鬼基咁又點，你係夾佢定趕佢，你初選贏佢，佢玩嘢你咪先至堅×佢囉，但你鬧佢，咁名正言順唔好要人哋D（啲）票囉。」
「陳偉業」留言道：「真係唔明。點解唔夠膽用初選？民主就係由人民決定！當年一個從殖民地官僚架構走出來嘅陳老太都願意初選。現峙（時）的咁不堪？所謂民主派人士的虛弱，令到老馮看來堅強。」
「人力」前主席袁彌明個老公林雨陽則留言話：「×馮檢基係鬼嘅罪証（證）原來係九幾年個物業。喂阿哥，咁過去廿幾年你又同佢合作？！根本同民主黨係同一條腿走路。民主黨好在只係有肥佬黎嘅關係，令蘋果成為黨報。」
「Leon Li」嘆道：「『泛民』淪落到如斯田地就係往往俾人覺得講一套，做一套，口口聲聲支持民主，但就用盡心機要避開初選，今時今日支持民主派嘅選民唔係咁易呃㗎！」