今晚谷草跑八場夜賽，以C跑道作賽，頭場晚上七時十五分開跑，全晚唯一盃賽是由四班馬跑一哩途程爭逐澳洲賽馬會錦標。練馬師方面，丁冠豪、呂健威及霍利時均派出不少實力馬列陣，可優先留意。騎師方面，潘頓、田泰安及李寶利都手執多匹惡馬，值得重視。
第一場、第四班、一二○○米。「猴王駒」今季轉投大摩兩戰，初出田草千二，廿二倍冷門加羊毛面箍跑來一無是處；上仗轉戰谷草千二，大摩馬上除面箍出擊即飛到馬到，臨場打到四十三蚊開跑，結果全程快跟力拚影相僅負跑入亞席；復課以慢踱為主，埋門再作單跳火氣上揚，今仗再爭同程對手非強，交出水準穩位望贏做得到。
第二場、第四班、一二○○米。「福穎」上仗初出爭田草千二排在七檔，韋達起步快閘放頭，可是孭重磅下帶到拉士未能增速只跑第三；質新馬拚後狀態比起上回續進，今次操好渡江爭千二，對手比起上回田草一批弱得多，且看能否成功衝擊頭馬。
第三場、第四班、一六五○米。「艦長天下」在外地多數出爭千四至接近千七米的中距離路程賽事，整體成績不俗，多番跑入前列，尤其採取前領跑法表現最好，所以上次進軍中距離不無道理，結果採取放頭戰略跑入一席配腳。而今次小休近兩周再跑窄場此程，沿用跟前均速或領放戰略，在此群當有力叩響勝門。
第四場、第五班、一八○○米。「幸運神駒」喺未轉入丁廄之前，由新馬時代跑到上季五班賽仍是處女馬身份，但是剛季時常在五班賽跑入前幾名，喺呢個評分水位係具有攻擊力；今季轉到丁仔手中即脫胎換骨，初出谷草千八由頭放到尾大勝開糊；拚後試跑態況仍勇，過步精神奕奕，馬身飽滿，整體觀感肯定好過上回，是次唞夠續攻勝途，有望再下一城。
第五場、第四班、一六五○米。「活力寶駒」今季潘頓一早替此駒試大閘，當時已放棄同組「美麗」系坐騎，可見十分重視，而今季這駒兩戰窄場表現仗比仗近，上賽跳到閘前被勒令退出比賽，三日後再赴谷草試閘走勢無大不妥，今次再戰可乘對手較弱打開勝門。
第六場、第三班、一○○○米。「皇仁先鋒」五歲A布早熟快馬，上季頭半季於田草屢拚不逞，直到四月尾初跑窄場一千，沿途走外疊望空也拒絕輸遠，結果五月中搵番莫雷拉掛帥兼排二檔有番形勢在手，立即贏來前快後勁兼締五十六秒八五佳速奠勝，姿態毫無花假；打後加分再爭此程換潘頓跑入腳；到最後一役回配雷神搏殺，放唔出熱門倒灶；今季初出田草一千快跟半程跑第五當熱身，自購馬上季既已搵到出路，今賽回師勝途出師有望再贏。
第七場、第三班、一六五○米。「韻妙星」（圖前駒）去季在港展開競賽之旅，出賽十多場，獲得兩贏四位，多數在四班場合所得，然而上季尾最後一役初升三班跑田草一哩尚可跑入位置，反映本身實力非同小可。今季步入大熟之期，理應更進一步，上賽轉來谷草一哩搏殺對手大幅減弱，九檔起步一早守在馬群中疊，轉入直路沿中疊衝刺追回一席Q腳；今次練者繼續再報同程，只要快閘留守有利位置，入直路發揮一貫凌厲追勢，當有力征服三班。
第八場、第三班、一二○○米。「鄉村瑰寶」蔡廄早熟靚仔馬，前仗插班初出窄場一千米，直路被封死兼勒避冇位衝刺，最終只得梗頸四；上仗老蔡安排加程千二乃合情合理，因抽二檔早段跟得輕鬆，入直路望空即加速掟甩對手補中；復課官仔馬單跳落腳整齊而有勁，今仗升班再戰添食唔難。