■寬姐準備了「冰雕」送畀杜德偉，寓意灌入「動（凍）」力。香港文匯報訊 杜德偉（Alex）新專輯《起來》昨天在台北舉行發佈會。首度擔任專輯監製的Alex共花了5年時間籌備，3年時間實行，Alex說：「體會到懷胎10月的感覺，但係呢個胎懷咗5年咁耐，終於等到呢個發佈會，好似有種辦喜事的感覺。既然辦喜事，當然想請想見到的人來，今次來到台北，其實有位我好尊敬、好像親人的朋友邱瓈寬為我發佈會畫龍點睛。」
這次新專輯名為《起來》，原來背後原因與仔仔AJ有關。Alex覺得「起來」即是要跳脫，要離開舒適圈（comfort zone）：「日常生活好易依賴喺自己最舒服嘅範圍裡面，做自己最舒服的事，但係要得到成就，就要突破自己，就一定要離開舒適圈，先會得到更多驚喜、成功，達到理想。呢個方向由始至終都係想着兒子來做，因為將來佢長大後，當佢人生迷失方向的時候，希望在這張唱片聽到這些歌，會搵到方向和正能量，因為自己唔係永遠喺仔仔身邊。」
多謝老婆成賢內助
而今次亦是Alex第一次帶仔仔開工，現場有仔仔一起看MV發佈，雖然Alex說心情不緊張，但仔仔的出現，為Alex帶來很溫馨的感覺。有仔仔陪伴和新碟出世，Alex說最多謝老婆這個賢內助，而且好想再生小朋友，生孖胎就最好，可以收工！有別於以往的專輯，Alex說：「以往習慣嘅模式有唱片總監，每當我聽到首歌的時候，已經精揀過晒，差不多完成6至7成工作，我入錄音室唱就可以了。但今次真係由自己一手一腳去完成所有嘢，呢3年幾好多心血喺裡面，無論係歌詞、所有編曲，甚至樂手，都由自己撐。去到最後混音編曲的版本，每首歌差不多有4至5個，要同香港、台灣、美國和韓國的混音師合作，大家聽到每首3至4分鐘嘅歌，其實裡面有好多心血。」
想請寬姐穿裙出席
今次發佈會請來邱瓈?作神秘嘉賓，30多年前?姐與Alex因合作音樂而認識，因為新碟的主題是跳出comfort zone，Alex笑言，想請寬姐穿裙、魚網絲襪、高跟鞋出席，但不敢提出，穿橙色衣服的寬姐回應說：「今天已經好跳出comfort zone，平日我都只穿黑色，媒體都未見過我穿其他！」寬姐準備了「冰雕」送俾Alex，寓意灌入「動（凍）」力。
這次發佈會吸引了Alex不少台灣的fans到場支持，Alex多謝他們一路以來支持，新碟是送給他們最好的禮物。台灣fans表示，好耐沒有看Alex的演唱會，寬姐亦表示未來想和Alex合作，希望Alex在台灣開演唱會，寬姐會努力爭取由佢負責。