【資料速遞】紅運戰士升浪未盡

2019-02-15

禮拜日大戰連場，除香港金盃、女皇銀禧紀念盃兩場一級賽，四歲馬經典系列次關，途程千八米香港經典盃亦同日上演。睇番呢場賽事優先出賽名單，其中喺頭關香港經典盃跑入前四名嘅三匹羅廐馬「達龍駒」、「添滿意」同埋「妙算達人」悉數入選，告東尼有「嘉應之星」同埋「喜蓮騏星」兩匹近況唔錯馬出戰呢場賽事。盃王大摩有「得勝駒」、「錶之太陽」及「新力必」入圍，近連勝三場嘅「好好瑪」改用蘇兆輝掛帥。另外，蔡約翰有兩駒入選，包括「紅運戰士」及「邊個邊個」，前駒來港後七戰取得三冠兩亞一季一殿，全部於跑馬地取得，今次初跑田草即進軍大賽，顯見幕後自視極高，值得再追。