■毛舜筠香港文匯報訊（記者 梁靜儀）毛舜筠(毛姐)昨日以「單車大使」身份出席到中環出席《維特健靈慈善單車馬拉松2019》，其他出席藝人還有孫慧雪、石詠莉（Sukie）等。毛姐表示今年不會落場參加比賽，她笑說：「算啦，放過我啦，我負責主持大局鳴槍。」毛姐自爆曾經有段時間非常瘋狂踩單車，但自從發生過一次單車意外，就對踩單車留下陰影，自此就減少了踩單車，她說：「踩單車要好小心同埋唔好太快，那次我車速唔慢，一上壆就成個人拋咗出去，下一分鐘我已經跌喺地下，架單車離我好遠，一跌低成身唔郁得，我都唔知發生乜事，當時我同老公一齊踩單車，佢慢慢踩到來見我跌低咗，問我發生乜事？我個膝頭爛晒，啲血流到落對襪，佢問我使唔使叫十字車，我怕搞到好大件事上鏡畀人影，上新聞咪死，之後坐咗好耐，再慢慢由科學園踩返去沙田，後來仲要去醫院放膿，因為個傷口不停流膿，呢個情況都持續咗好長時間。」 擔任表演嘉賓的石詠莉昨日抱病上陣，她說：「因哮喘病發作，其實病咗半個月，之前氣管炎，因新年期間睇開既專科醫生放假，到而家都仲未好，所以不停咳同喘氣。」她謂原本都想落場踩單車，但被醫生禁止，因為哮喘病已很久沒有發作，老公（鄧健泓）都好驚。