■電影《恭喜八婆》昨日舉行慶功宴。香港文匯報訊（記者 梁靜儀）賀歲片《恭喜八婆》上映至今累積逾1,300萬票房，昨晚舉行慶功宴，梁詠琪（GiGi）、謝賢、陳靜（DaDa）、丁可欣、陳逸寧、林兆霞、谷祖琳、邵音音、徐天祐及陳奐仁等亦有出席。
GiGi 表示今年賀歲片多競爭對手，對這個票房都滿意。對於導演說過如果收2,500萬就請大家去滑雪？GiGi因本身滑雪唔叻，所以沒報名，故對她沒影響，但因為大家好朋友及拍得順利，覺得無論票房多少，導演都要請大家去滑雪。
GiGi又指戲中的彩蛋就是老公客串演出其男神一角：「我覺得好make sense，佢有兩句中文對白『好臭呀，冇問題』佢本身都識講，因為個女細個換尿片時佢就會。」問到老公會否鍾意了演戲？GiGi 指老公當然不會當是終生職業，今次都是幫導演手，只收取利是。那麼下次可會叫埋個女客串？GiGi立即婉拒：「 有時小朋友唔係想像中咁易控制。」
DaDa以低胸裝上陣，大騷事業線，貫徹戲中角色。她表示下午才由台灣返港，此行是跟導演去了台灣馬拉松式宣傳影片，每日只睡得六小時：「對上一次同導演去台灣做宣傳 ，已經係六年前嘅《低俗喜劇》，今次好開心好多粉絲仲記得我，有啲由高雄過嚟台北睇戲。」
丁可欣認曾涉校園欺凌
另外，同場的丁可欣（火雞姐）早前被爆校園欺凌及偷同學手機，事後她亦拍片承認有此事，並向受影響同學道歉，問到公司事前可知她會這樣做？丁可欣表示有同經理人商討過，要講的已在影片中講晒。她自言有聯絡幾個同學並已作出賠償，不過當問到賠償了幾多錢時，她就支吾以對，只稱同學都有回覆及接受她的道歉。