■香港特區行政長官林鄭月娥（左三）聯同一眾嘉賓出席開幕儀式。香港文匯報訊（記者 梁靜儀、李思穎）由麗新集團、香港海洋公園及萬豪國際集團攜手策劃的「香港海洋公園萬豪酒店」昨日正式開幕，並於晚上舉行開幕酒會。任賢齊是出席嘉賓之一，談到有傳他會自資再開拍電影《跑馬》，他承認有此事，說到他又蝕片酬兼倒貼投資，小齊表示拍戲是為了夢想，片酬就是好劇本，若要他出錢，他都會盡力。■攝影：香港文匯報記者 彭子文
昨晚出席的嘉賓有行政長官林鄭月娥、中央人民政府駐香港特別行政區聯絡辦公室副主任仇鴻、中華人民共和國外交部駐香港特別行政區特派員公署副特派員趙建凱、麗新集團主席林建岳、海洋公園主席孔令成。
萬豪國際集團亞太區總裁兼董事總經理施康瑞擔任主禮嘉賓，為舞獅點睛，而當晚出席的藝人還有黎明（Leon）、鄭秀文（Sammi）、任賢齊（小齊）、楊千嬅、草蜢及鄭伊健等。
Leon於晚上六時廿分到場，戴上cap帽、一身黑衣打扮，身形較之前清減，雖然未有停下接受傳媒訪問，但也有停下給傳媒拍照，影完相更雙手合十向傳媒說唔該。
Sammi筋膜炎照着高跟鞋
Sammi之前因足底筋膜炎令到雙腳疼痛，走路也要撐柺杖，而昨晚Sammi仍是撐着柺杖到場，但影相時就拿開柺杖交由工作人員拿住，影相完見她行路仍是一拐一拐，雖然雙腳有事，但貪靚的她仍穿上4吋紅色高跟鞋，其間又跟好友劉鑾雄太太陳海韻（甘比）及林建岳的女友合照，同樣未有接受訪問。
小齊早前拍攝台灣導演鈕承澤執導的電影《跑馬》，因鈕導涉性醜聞令影片停工，事後有消息指小齊會自資再開拍該片，問到小齊影片是否會再重開？他承認有此事：「自己都要準備留鬚，同睇吓使唔使增肥，但就冇信心好似之前肥到一百公斤（220磅），現重82公斤，最瘦時更去到七十幾公斤，但都冇好日子過。」至於影片何時會開拍，他表示還未知，要待過完年劇組才開會，到場再看情況。
笑言要買個假肚裝肥的小齊，坦言近日都沒減肥，過年期間不停食，以致又開始胃酸倒流，早前更被胃酸「乸」醒喉嚨。說到他又蝕片酬兼倒貼投資，小齊即扁嘴苦笑問：「點解我拍啲戲都賺唔到錢？阿杜（杜琪峯）都成日咁樣講，我拍戲係為咗夢想，杜生就話我想賺錢就唱歌，我自己嘅片酬就係好劇本，（部戲自資？）現在同投資方傾緊，因為後面仲有啲大場面未拍，所以要計製作費有幾多，現在投資方仲有寰亞同內地一個投資方，未知要準備幾多錢，（你使唔使畀錢？）都會盡力，睇吓可唔可以幫到，最好就唔使我幫手啦。」他又透露該片目前拍了差不多一半，其間又不可以接其他工作，大家也以為他退休，其實近幾年他都是躲起來拍戲，可能《樹大招風》因審批問題不能上映，他都是做自己鍾意的事，所以他也很少做收錢的真人騷，問到可有被老婆埋怨？他說：「公司會叫窮。」
千嬅情人節睇戲貼近銀幕
楊千嬅表示昨日是大喜日子，因元宵佳節來賀老闆間酒店開幕，問到晚上如何慶祝？她表示有班朋友約了食開年飯，她會帶埋兒子一起出席，而老公丁子高就要留低搞活動，大家要分道揚鑣，她又半帶投訴笑說：「我哋結婚都十年，開始去到家人嘅感覺，如果情人節食飯反而好怪，不過佢都有表示，有同我去睇戲囉，係最後一分鐘買飛囉，個位面貼銀幕，仲要係睇科幻機械人打鬥戲，唯有自己調校前後，睇完都暈暈哋，（情人節有冇送花？）佢冇送花喎，佢驚我對啲花敏感唱唔到歌，不過唔好搞咁多嘢喇，健康緊要啲，環保，不過呢啲都係幸福嘅過程。」
笑問到老闆有冇留間酒店房給他們慶祝元宵 ？千嬅笑說：「唔好搞咁多嘢喇，呢幾日都好忙，幾日冇見過個仔， 阿仔以為我又飛咗，問阿媽去咗邊 ？仲留低咗張字條喺房，問我係咪走咗？自己有少少內疚，但父母又唔應該有罪疚感， 因為每個人成長都經歷獨立。」
說到快將舉行巡唱，千嬅表示3月30日是她人生第一次巡唱，第一站是廣州，最後一站是香港，因香港是她的家，現在日日操練及練歌：「今次個台比較多啲機械嘢，所以無得懶，要輕啲，因為槓桿原理，驚危險，所以都好努力排練，而第二站係珠海，啲飛已經賣晒，都有壓力，始終對自己有要求，都想做好啲，加上班底又新。」
