■譚詠麟在農曆新年去了日本旅行。香港文匯報訊（記者 梁靜儀）譚詠麟（校長）前晚帶同旗下歌手、前Square成員趙浚承（Gary）到九展為ViuTV全新音樂節目《譚音樂譚欣賞大本型》錄影，現場更有港版羅拉朱芊佩（小朱）出席。校長剛去了日本旅行，他又大爆去年曾去過曾志偉開設的民宿，大爆對方現在是大地主，在伊豆、大阪都有開設民宿，更笑對方「打跛腳都唔使憂」！
校長表示農曆新年去了日本旅行，此行主要是食和玩，笑問可有學老友曾志偉自駕遊？校長笑說：「佢係喺雪地，我唔係嘛，不過都唔關佢事，佢都好無辜，我哋仲笑佢上年中完3T後，一路好似獲利回套咁，不過今年無事㗎喇，所有衰嘢都會走晒，亦唔需要解釋咁多，大家有眼睇。（志偉有冇叫你唔好揸車？）傻嘅，我日日都揸，司機坐喺旁邊。」問到校長可有和志偉一起去過旅行？校長表示去年才去過對方開設的民宿，大爆志偉現在是大地主：「志偉喺伊豆、大阪都有開設民宿，好犀利，所謂矮仔多計，佢真係打跛腳都唔使憂，我都想毆佢。」
談到工作，校長表示剛完成了與許冠傑在澳門合作開的騷，日內又要為新碟錄音，檔期如無變的話，工作已排到十一月。
批准旗下歌手拍拖
另外，校長又向傳媒全力介紹之前一直跟他走巡唱的旗下歌手Gary，笑指對方有兩個願望，第一個願望是加入明星足球隊，已經實現，而第二個願望是做歌手。
Gary表示多得校長鼓勵，在兩年多前去了北京參加《星光大道》，最後拿到全年第三。校長稱對Gary教導很嚴格，Gary亦稱校長每一次對他的演出都有評語，但不會太苛刻，會就住來。問到校長會否不准Gary拍拖結婚？校長笑說：「做咩都可以，點解唔做得？咩社會呀？（你做得的佢都做得？）當然啦！拍拖OK嘅，我都見過佢女朋友，唔錯，見家長當然要喇！」至於可會提醒Gary返內地工作要小心美少女陷阱？校長就說：「好自為之啦！」Gary自言有抗體，會識得抗拒。他又表示很開心稍後可同校長合唱自己所作的歌曲《男人的浪漫》，是很大的禮物。
