■田蕊妮香港文匯報訊（記者 梁靜儀）田蕊妮（阿田）昨日到新城電台宣傳最新大碟《Saturnian》，她表示之前因拍戲而少了時間宣傳，幸好新碟銷量不俗。繼《半段路》後，阿田再派新歌《最親》，歌詞是講媽媽，她說：「呢首歌錄咗最多時間，聽落好輕鬆，但歌詞好感動，好多人聽完會眼濕濕，之後仲會拍MV。」阿田又稱自己停工一年做這張碟，好有信心介紹畀大家，更自掏腰包買了廿隻送給朋友，但他們都不領情：「每個都話要畀返錢我，Ali（李佳芯）話要訂十隻，以為講笑，點知佢不停催我拎碟，我就同佢講不如送隻畀佢，因為都唔知點收錢，點知佢又真係要咗十隻 ，仲有阿廉（曹永廉）都買咗一隻。」
說到同公司的孫耀威跨界做網紅開Live，兩個鐘就袋百萬，阿田聞言即恭喜對方，又笑謂稍後會見到他，會準備一叠碟收他錢。問到可想仿效對方開Live搵銀？阿田心郁郁說：「都好，但係要搵人壯膽，或者搵吳業坤，佢彈琴我唱歌。」她又透露原本做坤哥紅館個唱的嘉賓，但因稍後要去加拿大工作做唔成。她笑指對方兩次開騷都做不成嘉賓， 覺得跟他冇緣分。