■張曦雯為郭子豪塗上遮瑕護膚品。香港文匯報訊（記者 梁靜儀）張曦雯（Kelly）、林芊妤（Coffee）、王曼喜 （Kayla）及郭子豪昨日到旺角出席化妝品牌活動，活動上Kelly示範為郭子豪塗上遮瑕護膚品。
Kelly表示近日正趕拍無綫新劇《法證先鋒IV》，之後會去泰國曼谷及象島拍旅遊特輯《3日2夜》，此行會在當地逗留十日，寓工作於旅行。她預告要穿泳裝拍攝，但怕節目有太多泳衣鏡頭，觀眾都會生厭，所以今次只會帶備兩三套泳衣前往。
因工作忙碌，Kelly謂已有一年未有回美國探望家人，稍後就會返美國探望雙親。問到她終日為工作而忙，是否會無暇拍拖？自言沒拍拖的Kelly笑說：「有拖拍就會有時間，時間係可以控制嘅，不過我比較要求高，有啲唔合意就冇發展落去。」她認為認識一個人，三日兩夜已知好不好，但拍拖就不可以，需要時間去了解。
林芊妤忙湊B長風癩
林芊妤（Coffee）因忙於照顧兒子，以致免疫系統失調，晚晚長風癩，至今未痊癒，她謂兒子每晚每隔一兩個小時就起床，這四個月來她都處於沒睡眠的狀態。問到老公可有幫手湊B？她說：「因為老公返朝九晚五，唔想對方半夜起身，不過放假時老公會幫手湊仔，佢知道我辛苦，錫我好多，佢冇諗過一個事業型女性，可以為咗個仔犧牲咁多。」問到老公有何獎勵？Coffee說：「我想去旅行，但老公話我唔會想去，因為個仔太細，唔會捨得交畀工人姐姐照顧。」
另外，Kayla透露近日充當攝影師，為自家品牌的限量系列拍攝，找來十位模特兒，當中妹妹王麗嘉亦有份參與，覺得今次有了很好的經驗，之後都會繼續進修攝影。