■鄭嘉穎稱現封了兒子做「皇上」。香港文匯報訊（記者 梁靜儀、李思穎）鄭嘉穎、徐冬冬、 溫碧霞、Rosemary、Jessica C.及Ana R.等昨晚到中環出席畫廊活動。嘉穎榮升人父後昨首度公開亮相，並大方分享湊仔經，他又笑言自己都是「陪月」，沖涼、換尿片都會幫手，指愛兒似「皇上」般，要什麼就即刻要。
嘉穎做了爸爸後首次現身公開活動，精神看來不俗，談到做爸爸的心情及感受，他感受甚深說：「嘩，歷歷在目，成個過程都冇諗過興奮得嚟又好輕鬆，因為麻醉師係馬來西亞人，入到產房對方問我想聽咩歌，最後就播咗啲輕鬆的歌出嚟，所以冇諗過成個過程輕鬆咁度過，（剪臍帶呢？）畀我想像中韌，唔容易剪，要用啲力先剪到，見到BB出嚟嗰刻真係好難忘。」他坦言見到兒子出世很自然便眼濕濕，他與太太陳凱琳（Grace）都為BB好健康而開心。
問到兒子似誰？嘉穎笑說：「我阿媽話似我，我覺得佢越大越似Grace，現在就似我多啲。」嘉穎又稱現封了兒子做「皇上」： 「個仔係奀皮仔，佢要乜就即刻要，條尿片濕少少就嗌，最高紀錄一日換十七條片，我現在叫佢做皇上。我好清楚同佢的溝通方式，因為佢現在冇淚腺，啲戲好渣，喊都冇眼淚，只係投訴，呢個亦係佢可愛之處，洗Pat Pat、沖涼、餵奶乜都要快，個仔唔等得。」他又認為自己不算是個淡定的爸爸，第一次幫兒子沖涼都很「論盡」，要睇陪月沖過幾次才敢幫兒子沖涼，反而換尿片就簡單一些，至今BB仍未請過自己「飲茶」，因為他換片時會用手掩住兒子的重要部位。
尊重太太出關工作決定
問到可有因湊B而睡眠不足，他謂連同自己在內共有五個人照顧兒子，真的是「皇上」，當BB睡着時大家又爭着抱。他又笑言自己都是「陪月」，要陪太太坐月。問到是否要坐足成個月？他說：「呢個月都好充實，不過差唔多要出關做嘢，啲工作已排到滿晒。」日前Grace未坐完月便出席活動，似乎唔夠乖，嘉穎稱要尊重太太，他都有向她講出自己的睇法，當然希望她成個月養好身體，但都尊重她的睇法，夫妻最緊要互相尊重，現在就好似聽Grace的爸爸講，大事由他決定，小事就由Grace決定，如果又是大事又是小事就由Grace決定。
說到Grace產子後，上圍升到D Cup？嘉穎笑說：「係呀，多謝，（可滿意？）唔好咁講，我點樣都滿意，（點獎勵太太？）我問咗呇n多次都仲未有答覆，我唔想買啲坉讔曋N嘅嘢，等佢揀到最好為止。」
徐冬冬與尹子維處冷靜期
另外，徐冬冬近日被網民拍到在街頭與男友尹子維鬧交兼爆喊，傳聞導火線是因男方「偷食」女方的助手，問到徐冬冬與男友鬧交一事，她坦承確實與男友吵架： 「自己心情有些不開心，但吵架不是因為有第三者，而是因為彼此觀念不同，（和好沒有？）最近都沒有通電話，大家要冷靜一下，我們做了好朋友很久才一起，我們除了觀念不同，覺得他人品特別好，又專一，（冷靜多久？）我想我們還是會有發展，但要看緣分，（結婚對象？）要看看了，這些不是我一個能說到的。」說到之前尹子維帶她返美國見家長，徐冬冬承認有見過對方家長，又稱男友媽咪是自己喜歡的前輩。問到伯母可有催婚？她說：「冇催婚，（現等男方做主動？）其實他對我很好，但兩人睇問題的觀念不同，（不怕冷靜期太耐感情會變淡？）不擔心，自己年紀已不小，已廿九歲，若不能一齊走到最後都是一個緣分。」