■金剛甜蜜認拍拖好開心。香港文匯報訊（記者 梁靜儀）金剛、黎燕珊、歐瑞偉及曾偉權等前晚到九龍灣出席活動，早前宣佈與台灣女星梁芸菲拍拖的金剛，有愛情滋潤下身形也發福了一點，他笑說：「係大隻。（拍拖好開心？）好明顯啦。（結婚未？）未啦，冇咁快，要慢慢嚟，都要安排，因為儀式好重要。（舉行海陸空婚禮？）咁又唔使，我揀海得喇。（到時穿泳裝上陣？）我着三點式，最重要大家開心。」問到現時工作基地是否在台灣？他說：「唔係，都係周圍走，只不過家人喺台灣，放假就陪家人。」談到現時工作，金剛指稍後將會到內地拍攝網絡大電影。
黎燕珊開心透露身在英國讀書的兒子快將回港放暑假，她與大女商量一家三口去哪裡旅行，又大爆今年兒子的女友亦有可能會同行。她笑謂已見過兒子女友，好乖，是好女仔，早前自己生日對方亦有跟她一起慶祝，但兒子就做了一件令她心傷的事：「阿仔同女友一齊唱生日歌，點知阿仔跟埋女友一齊唱『Happy Birthday to auntie』，嗰刻真係心都傷埋，接受唔到，大女就叫我要學識放手。」她又透露稍後除要補拍劇集《法政先鋒IV》外，加盟TVB第一部劇集《十二傳說》終於在下月出街。