■麥明詩與潘梓鋒由不認識變成戰友。香港文匯報訊（記者 梁靜儀）麥明詩與潘梓鋒昨日出席無綫節目《單車遊學團》記者會，二人早前組成慈善單車隊，從香港踏單車出發、途經中國、越南、老撾、泰國，最後抵達柬埔寨AGS公益學校，28天完成全程約2千5百公里之旅程，至今成功籌得6位數擴建學校，昨日二人在台上分享旅途中的辛酸及趣事。
談到難忘事，潘梓鋒表示是親眼目睹麥明詩在其面前炒車：「我同麥明詩架車好近距離，差啲輾過佢，當時好無能為力，即時拉返起佢埋去路邊。」麥明詩笑說：「我最難忘係我炒車入院，報告都未出佢哋已去咗食雞。」潘梓鋒解釋：「佢自己（指麥明詩）下刪咗一千字，我哋見佢情況穩定咗先去食雞，仲叫定畀佢食。」他又稱都好多謝麥明詩將自己搽嘴唇的凡士林，借給他用來搽重要部位：「因為同個單車座位摩擦得太犀利，又損又爛。（麥明詩之後拿回來搽嘴唇？）我都叫佢唔好再搽嘴喇！」
朝夕相對廿多日，問到二人可有擦出感情？潘梓鋒笑言大家只是朋友，由不認識變成戰友，他又笑說：「我同麥明詩做咗朋友好開心，因為我知佢喺TVB得馮盈盈同陸浩明兩個朋友，我排第三。」