■洪杰香港文匯報訊（記者 梁靜儀） 歌手洪杰昨日現身新城電台，為歌唱比賽擔任評判，洪杰表示電台都有歌唱比賽感覺好新穎，他表示聽聞好似都好難入圍，要經過好多輪先入到決賽。自己身為Artist對參加者都會要求高啲，當他們參加比賽都係想入行，不是唱K，會畀深入的意見。
洪杰接着說：「會特別留意參賽者有沒有信心，以及『執生』技巧，我初入行時，有次去內地演唱，唱唱吓突然個喇叭着火出白煙！當初以為係舞台效果，仲行咗埋去，一見到有人拎住滅火筒就知咩事，原來台下啲Fans大叫係想叫我行開啲！但最後都有唱埋去，要表現得唔驚慌。」