■溫碧霞新電影《墮落花》奪得「 The best movie icon」獎。香港文匯報訊 溫碧霞（Irene）最近心情特別靚靚，事業屢奪佳績，除擔正主角的新電影《墮落花》受到關注入選亞洲電影節之外，日前還奪得「 The best movie icon」獎，Irene專程飛到越南扮到靚靚出席頒獎禮接受獎項。
被選為香港電影界最具代表的標誌，Irene感到意外又驚喜：「我好開心呀， 完全冇諗到原來在越南有咁多人鍾意我，她們同我講好鍾意睇我演的電影及電視劇，我竟然𠵱家至知越南有咁多粉絲，大家仲話我知，好多部經典電影及電視劇的經典角色大家都好鍾意，最受歡迎係妲己和海潮。」
讚越南美食好好味
Irene也很喜歡越南這個地方，順道與工作人員四出遊覽了一下，她讚越南美食好好味，風景也很美。Irene會否計劃以後增產拍電影及復出拍電視劇？她說：「我都係會堅持重質不重量，堅持有好劇本才拍，拍一部好電影及電視劇至係真係報答一直支持的Fans，我答應大家只要有好劇本一定會再拍電視劇。」她續開心說：「好多人睇完新片都讚我演得好，真係好開心，呢個角色對我來講係一個好大的突破，俾人讚演技好，比讚我靚開心好多，哈哈！」