■「天王寺璃奈」出post問：貧尼預計今日有可能圓寂涅槃，請問有乜需要預先準備？網上圖片建制派立法會議員、區議會屯門樂翠選區候選人何君堯前日被一名男子企圖刺殺，對方一開始假扮送花，話合照時就喺袋入面拎把刀出嚟，都咪話唔陰毒。不過，有啲煽暴派網民就自欺欺人，話成件事都係「自導自演」，但有啲求真嘅網民就搵到疑似係嗰個刀手嘅高登帳戶，見到佢當日朝早連續出咗好幾個post，包括影到何君堯嗰朝繕饈�嘅相，又話自己可能「圓寂涅槃」，同埋引用講述荊軻刺秦王嘅詩句。唔少高登仔見到呢堆post已經封咗夆窗u義士」，所謂「自導自演」嘅流言就咁不攻自破。
前日何君堯遇襲一事一出現，唔少煽暴派都即刻「神探」上身，聲稱件事有好幾個「疑點」，質疑係何君堯自己安排好嘅「一齣戲」咁話，但唔使一日已經有越嚟越多相關帖文浮面，唔少網民都開始相信嗰個刀手其實係一個高登巴打。
料「圓寂」 引用荊軻歌
睇返被搵到嘅帳號叫做「天王寺璃奈」，佢喺何君堯受襲嗰朝，起碼出咗4個相關嘅post。佢先喺7點5分出咗個《貧尼有頂陳舊僧帽 似唔似僧帽水母？》，貼咗張黑白色鴨舌帽嘅相出嚟，頂帽同刀手當日戴嘅極度相似。再喺朝早8點12分，佢出post問《貧尼預計今日有可能圓寂涅槃，請問有乜需要預先準備？》，但當時冇乜人理佢。過咗3分鐘，即係8點15分，佢又出咗個《探虎穴兮入蛟宮，仰天呼氣兮成白虹》嘅post，呢句詩句出自《荊軻歌》，即係形容荊軻刺秦王嘅嗰首詩，同刀手「圖窮匕現」嘅刺殺手法脗合。喺8點34分，佢又出咗個《何律師又出現》嘅post，仲貼埋何君堯擺街站嘅相，而相中情況顯示，街站嘅人都似乎有留意到鏡頭。
事實上，除咗刺殺嗰朝係咁出post，呢個「天王寺璃奈」之前都出過唔少關於何君堯嘅post，包括喺星期一就出咗個《何律師又親自去到海翠花園門口個巴士站拉票》嘅post，仲嫌對方「嘈住貧尼清修」。佢仲出過post話何君堯想「篡奪香港」等。
月初稱「貧尼斬妖除魔」
同時，佢喺今年10月14號曾經出post話「貧尼加入地球防衛隊，為守護人類出一分力」，同月24號就出咗個post《（斬妖除魔）貧尼修行完成，即將出戰惡鬼。》。本月1號，佢亦出咗個《貧尼斬妖除魔》嘅post，仲貼咗一紮花嘅相，但過咗個幾鐘，佢又出多個post話自己「我係垃圾，係食屎狗，少少野（嘢）都搞唔掂」，令人懷疑佢嗰日係咪「行動失敗」。
見到咁多具體資訊，唔少網民都相信呢個高登巴打就係刀手，但有啲人依然堅持件事一定係「戲」，中大「獨」講師劉正就喺伭acebook專頁「無神論者的巴別塔」話︰「如果你仲係要堅持係『苦肉計』，咁你就要拎番（返）足以否定呢個POST嘅理據出黎（嚟），唔係的話，其實就同今時今日仲信（民主黨）林子健係被屈嘅笨××黃屍無分別。」 ■香港文匯報記者 甘瑜