一宗「錢債糾紛」，竟然炸埋南昌北候任區議員劉家衡。張家俊喺同潘書韻爭拗期間，突然喺自己fb發帖，話「驚條廢柴仔（潘的男友劉家衡）輸，驚到搵我兄弟拎兩皮（萬）請人去南昌北幫你條仔𠝹票」，仲話有錄音為證咁話。潘書韻就話佢誹謗，仲話要對張家俊採取法律行動咁話，但張家俊就話「咁咪再玩大啲睇吓邊個理虧囉」。
潘護「夫」心切 恫嚇出律師信
話說張家俊同潘書韻就「騙裝備」一事罵戰期間，張家俊突然喺fb發帖，話「驚條廢柴仔輸，驚到搵我兄弟拎兩皮請人去南昌北幫你條仔票」。潘書韻即刻cap咗圖，反駁話：「人血饅頭黨屈我哋請𠝹票L。大家都知南昌北條𠝹票L係寫住『五大訴求，缺一不可』，屈劉家衡請佢黎（嚟）自己票咁趣怪？等收律師信，誹謗。」
不過，佢喺帖文中就「附註」話：「兩萬蚊呢個offer係真有其事，不過係騙徒Lukas（何卓為）提供，叫我哋畀兩萬蚊佢可以請個人𠝹票，但正常人都覺得呢樣嘢係on ×，用兩萬蚊𠝹鄭泳舜啲鐵票？所以當佢講笑無咗件事。可以fact check有無畀過所謂兩萬佢。」
張家俊就挑機，話自己中四已經收過高登律師信，仲暗示自己有錄音為證：「我信大話怕計數�H，更加唔洗（使）講怕錄音，我做tech呢行大把專家證明真偽……有咩上庭講啦好嘛！……上到庭佢一定記得返九月頭1453響奧圖曼地中海美食（清真）講過啲咩�H！」
潘書韻�H回應，似乎證明咗真係有錄音噃。佢話：「咁麻煩你哋聽到（多）幾次錄音，唔好搞錯入面啲人物。佢（張家俊）竟然又話我係請人社民連票，知唔知社民連係黃，請人社民連票=𠝹自己票，老屈真係要有好基本政治常識，定係要畀機會你哋改口轉鄭泳舜好啲？……講咁耐，放錄音啦！」
張家俊就再玩大啲，喺自己fb tag 劉家衡話：「本身只係圍內笑吓，同你條女（潘書韻）保持距離就算�H，大話怕計數。我哋果（嗰）邊開始拎60926（濾罐）同其他gear單對數，佢死唔認錯�H話我就唔會同你哋客氣！」
張稱爆錄音為證 劉家衡無聲出
劉家衡就好口響咁回應話「對啊，即刻對」，點知張家俊就一句「洗（使）唔洗（使）公開個m4a audio（即所謂請人𠝹票的音）呀」，劉家衡就即刻隱身。張家俊友人「楊文理」就留言寸劉家衡：「對成點？開名×人唔係唔應機當冇事吖嘛？」
潘書韻其後就發帖，稱自己會負責追究張家俊的誹謗罪，「他們指控候任區議員劉家衡選舉舞弊，我支持他們去廉政公署，我也希望藉此處理一下𠝹票黨的問題（在深水埗區尤其嚴重），說不定真的可以揪出聘請𠝹票黨的幕後黑手」云云。 ■香港文匯報記者 陳川