■湯洛雯笑言好多荷里活導演找她。香港文匯報訊 （記者 梁靜儀）湯洛雯（靚湯）、鄧佩儀、黃庭鋒及鍾君揚昨日到將軍澳電視城出席明珠台第92屆奧斯卡提名日記者會，眾人又分享心目中的最佳電影。
《第92屆奧斯卡頒獎典禮》將於美國時間 2月9日（即香港時間2月10日）於美國加州洛杉磯荷里活杜比劇院舉行。鄧佩儀表示去年因開工錯過了睇奧斯卡頒獎禮，今年想睇是因自己很喜歡睇《JOKER 小丑》這套戲，希望電影可以得獎。
靚湯指頒獎禮節目會激勵到她，見到得獎者分享經驗，就會希望自己都可以得獎，她笑說：「我希望有日奪得奧斯卡，（公司啲獎你都未攞到？）眼光放遠啲，可以跳級。」
靚湯笑稱拍《JOKER 2》
鄧佩儀亦稱見到得獎者致謝詞時，會令自己有衝動要更努力，而當晚最令她感動是「飛躍進步男藝員」得主張振朗的一番話，提醒她要加倍努力。靚湯笑說：「振朗上台時已叫佢唔好喊，佢話一定唔會，點知一上台就喊咗！」
二人同樣獲提名「飛躍進步女藝員」，但結果都是食白果，鄧佩儀表示雖然兩次提名都沒有獎，但認為能坐在頒獎禮台上已很難得，就算沒獎都會做到一百分。
三度獲提名的靚湯就稱對自己未能得獎不感意外，更自封「老飛」，提到周嘉洛入行五年便得「 最佳男配角 」，靚湯說：「佢好犀利，（要加把勁？）我要拎奧斯卡。」她又搞笑稱有很多荷里活導演找她，她要拍《JOKER 2》。問到她是否打擊太大？為了得獎會更努力？她笑說：「唔好為獎框住自己，有獎會係強心針，會戥得獎人開心，係正面鼓勵，呢行本來就要百花齊放。」