■林卓廷被拍到「偷食」美心旗下的一風堂。fb圖片泛暴派煽動年輕人用暴力解決政治爭拗，導致香港有唔少店舖喺呢半年不斷遭到暴徒以「裝修」為名破壞，意圖滅聲。香港品牌美心集團，就因為其創辦人之一伍沾德的長女伍淑清發表過譴責暴徒嘅正義言論，而令旗下眾多分店遭到黑暴破壞。雖然泛暴派大搞「黃色經濟圈」，呼籲黃絲不論「和勇」，都罷食美心等藍店。但「身體最誠實」嘅泛暴議員林卓廷，竟然俾自己友「連衛兵」踢爆佢偷偷去食美心旗下的一風堂，搞到「高登」同「連登」呢班同佢一齊爬山嘅「港獨巴打」，都齊齊鬧爆佢破壞黑暴嘅共識，倒「黃色經濟圈」米。
今次佢被「野生捕獲」，就梗俾自己「手足」鬧佢違反誠信啦，鬧佢嘅多到數唔到。「Rorschach.」鬧佢：「支持連衛兵全面監察泛民議員盡選民義務。」「一鋪過」則大鬧佢只識食人血饅頭：「飯民正一仆××家×人血饅頭就識食」「唔~~天氣不似預期」又鬧佢：「依（??）個擺明飯民政棍黎（嚟），×佢都冇×用。」
講真，真正嘅民主精神應該係多元包容至啱，點可能因為別人嘅政見同自己唔同，就要用暴力破壞商店嚟恐嚇他人，藉以滅聲，同「恐怖主義」又有乜分別呢！不過啲泛暴派口講一套又做一套，推人哋去死自己快活，就係靠唔住嘅政棍囉。 ■香港文匯報記者 黃書蘭